கர்நாடக மாநிலம் ஹாவேரி (Haveri) மாவட்டம் ஷிக்காவி தாலுகாவில் உள்ள அத்திகேரி கிராமத்தில், அரசு அதிகாரிகளின் மெகா அலட்சியம் மற்றும் குளறுபடி காரணமாக உயிரோடு இருக்கும் முதியவர் ஒருவரைப் பேப்பரில் ‘இறந்துவிட்டார்’ என அறிவித்த விபரீதச் சம்பவம் தற்பொழுது சோசியல் மீடியா ஏரியாவிலும் பொதுமக்கள் மத்தியிலும் மிகப்பெரிய புயலையும் சலசலப்பையுமே கிளப்பியுள்ளது.

அத்திகேரி கிராமத்தைச் சேர்ந்த வயதான பெண்மணியான சிவகங்கவ்வா தலாலி என்பவர், அண்மையில் உயிரிழந்த தனது தாயார் சங்கரவ்வாவின் மரண சான்றிதழுக்காக விண்ணப்பித்திருந்தார். ஆனால், அங்குள்ள கிராம மற்றும் தாலுகா அரசு அதிகாரிகள் செய்த மிகப்பெரிய பித்தலாட்ட குளறுபடியால், இறந்த தாயின் பெயருக்குப் பதிலாக உயிரோடு இருக்கும் மகள் சிவகங்கவ்வாவின் பெயரிலேயே மரண சான்றிதழை அச்சிட்டு வழங்கியுள்ளனர்.

இந்த மெகா அராஜகம் சிவகங்கவ்வாவுக்குத் தெரியாத நிலையில், அவர் தனது கணக்கில் இருந்து பணத்தை எடுக்க வங்கிக்குச் சென்ற போதுதான், அவர் இறந்துவிட்டதாகக் கூறி பணம் தர வங்கி அதிகாரிகள் மறுத்துள்ளனர்; அப்பொழுதுதான் தனக்கு மரண சான்றிதழ் கொடுக்கப்பட்ட அதிர்ச்சி உண்மை அவருக்குத் தெரியவந்துள்ளது.

இந்த ஒரே ஒரு தப்பான சான்றிதழால் சிவகங்கவ்வாவின் ஆதார், ரேஷன் கார்டு, முதியோர் பென்ஷன் மற்றும் அவரது மறைந்த கணவரின் பென்ஷன் உள்ளிட்ட அனைத்து அரசு சலுகைகளும் அடியோடு ரத்து செய்யப்பட்டு, தற்பொழுது ரேஷனும் பணமும் இல்லாமல் அவர் சாப்பாட்டிற்கே கண்ணீருடன் தவித்து வருகிறார்.

இதுகுறித்து கிராம பஞ்சாயத்து அதிகாரிகளிடம் முறையிட்டும் இதுவரை எந்தவொரு தீர்வும் கிடைக்காததால் அத்திகேரி கிராம மக்களும், அவரது குடும்பத்தினரும் அரசுக்கு எதிராகக் கடுமையான கொந்தளிப்பில் இறங்கியுள்ளனர்.

இதே ஹாவேரி மாவட்டத்தில் சில மாதங்களுக்கு முன்பு, ராணிபென்னூர் வட்டாட்சியர் அலுவலகத்தில் தோபனகவுடா குப்பி என்ற நபர் தனது இறந்த மனைவி மல்லம்மாவின் மரண சான்றிதழைக் கேட்டபோது, அவருக்கும் இதேபோல் அவரது பெயரிலேயே மரண சான்றிதழைக் கொடுத்து 5 வருடங்களுக்குப் பிறகு அந்தத் தவறு வெளிச்சத்திற்கு வந்த அதிரடிச் சம்பவத்தையும் சுட்டிக்காட்டியுள்ள நெட்டிசன்கள், “அரசு ஊழியர்களோட இந்தத் தறிகெட்ட அலட்சியத்தால ஏழைங்க வாழ்க்கையில இப்படியா பாஸ் விளையாடுவீங்க!” என்று தங்களது கடுமையான கண்டனக் குரல்களுடன் இணையத்தில் இந்தச் செய்தியைப் பயங்கரமாக ட்ரெண்ட் செய்து வருகின்றனர்.