தமிழக சட்டமன்றத் தேர்தல் நெருங்கி வரும் வேளையில், பாஜக முன்னாள் தலைவர் அண்ணாமலை வாக்காளர்களுக்கு ஒரு முக்கியமான செய்தியை விடுத்துள்ளார். “இது நமக்கு பிடித்த தலைவர்களுக்கு ஓட்டு போடுவதற்கான தேர்தல் கிடையாது; இது தமிழகத்தில் ஒரு பெரிய ஆட்சி மாற்றத்தைக் கொண்டு வருவதற்கான நேரம்” என அவர் பேசியுள்ளது அரசியல் வட்டாரத்தில் சலசலப்பை ஏற்படுத்தியுள்ளது. வெறும் தனிநபர் கவர்ச்சியைத் தாண்டி, மக்கள் தங்கள் எதிர்காலத்திற்காகச் சிந்தித்து வாக்களிக்க வேண்டும் என அவர் வலியுறுத்தியுள்ளார்.

​ஏப்ரல் 23-ஆம் தேதி வாக்குப்பதிவு நடைபெற உள்ள நிலையில், அண்ணாமலையின் இந்த ‘ஆட்சி மாற்ற’ முழக்கம் திமுக மற்றும் பிற எதிர்க்கட்சிகளுக்கு விடுக்கப்பட்ட நேரடி சவாலாகப் பார்க்கப்படுகிறது. 2026 தேர்தல் களம் மும்முனை, நான்முனைப் போட்டியாக மாறியுள்ள நிலையில், அண்ணாமலை தனது பரப்புரையில் திமுக அரசின் மீதான அதிருப்தியை முன்வைத்து, ஒரு புதிய மாற்றத்திற்காக வாக்களிக்க வேண்டும் எனக் கேட்டுக் கொண்டுள்ளார். அண்ணாமலையின் இந்த ‘ஸ்டைல்’ பேச்சு இப்போது சமூக வலைதளங்களில் ஆதரவாகவும், விமர்சன ரீதியாகவும் வைரலாகி வருகிறது.