தமிழக வெற்றி கழகத்தின் தலைவர் விஜய் அடுத்து வரும் தேர்தலில் திமுக மற்றும் தமிழக வெற்றிக் கழகத்தின் இடையே மட்டும்தான் போட்டி என்று கூறியுள்ளார். அவர் பாஜக மற்றும் திமுகவை விமர்சித்து வரும் நிலையில் அதிமுகவை பற்றி இதுவரை ஒரு வார்த்தை கூட விமர்சித்ததில்லை.
ஆனால் சமீபத்தில் பாஜக மற்றும் அதிமுக கூட்டணி அமைத்த போது பழைய பங்காளியான அதிமுகவை மீண்டும் பாஜக பகிரங்கமாக கைபிடித்தது ஒன்று ஆச்சரியப்படுவதற்கு கிடையாது என்றும் திமுகவும் பாஜகவுடன் மறைமுக உறவில் இருப்பதாகவும் விமர்சித்தார். இந்நிலையில் திமுக மற்றும் தமிழக வெற்றிக் கழகத்தின் இடையே மட்டும்தான் போட்டி என்று விஜய் கூறியதற்கு அதிமுகவினர் கண்டனம் தெரிவித்து வரும் நிலையில் இது பற்றி தற்போது முன்னாள் அமைச்சர் ராஜேந்திர பாலாஜியும்பேசியுள்ளார்.
இது தொடர்பாக நேற்று திண்டுக்கல்லில் நடைபெற்ற பூத் கமிட்டி மாநாட்டில் பேசிய ராஜேந்திர பாலாஜி, அடுத்து வரும் தேர்தலில் திமுகவிற்கும் தமிழக வெற்றிக் கழகத்திற்கும் இடையே தான் போட்டி என்று விஜய் கூறுகிறார். இதுதான் இந்த வருடத்தின் மிகப்பெரிய காமெடி. தமிழக அரசியலில் திமுக மற்றும் அதிமுக இடையே தான் போட்டி. விஜயின் கட்சி தேர்தல் களத்தில் கிடையாது. மேலும் பாமகவில் உட்கட்சி பிரச்சனை விரைவில் முடிவுக்கு வரும் என்று கூறினார்.
