மனிதர்களுக்கும் விலங்குகளுக்கும் இடையிலான பாச பிணைப்புகள் எப்போதும் மனதை தொட்டவையாக இருக்கின்றன. இதற்கான சாட்சி போல, சமூக வலைதளங்களில் தற்போது வேகமாக பரவி வரும் ஒரு வீடியோ நெட்டிசன்களின் இதயங்களை வென்று வருகிறது.
இந்த நெகிழ்ச்சிகரமான வீடியோவில், ஒருவர் போர்வையுடன் படுத்திருக்கிறார். உடல்நிலை மிகவும் மோசமாக காணப்படுகிறார். அவர் தொடர்ந்து இருமுவதால், அவரது நிலைமை மோசமாக இருப்பது கண்கூடாக தெரிகிறது.
அவர் அருகில் அவருடைய செல்லக் குரங்கு அமைதியாக படுத்திருக்கிறது. ஆனால், மனிதன் இருமியதும், அந்த குரங்கு அன்புடன் எழுந்து அவரை தேற்றுகிறது. அவரது முதுகில் மெதுவாக தட்டி, இருமலைக் குறைக்க முயல்கிறது. இப்போது இந்த வீடியோ பலரது கண்களிலும் கண்ணீரை வரவழைத்துள்ளது.
View this post on Instagram
அந்த நபர் தற்காலிகமாக நிவாரணம் பெற்றதும், குரங்கு மீண்டும் தூங்க போகிறது. ஆனால் மனிதர் மறுபடியும் இருமியதும், அதேபோல் எழுந்து வந்து அவர் மீது அன்பு செலுத்துகிறது. இந்த செயலில் காட்டப்படும் அக்கறையும், பாசமும் உணர்ச்சியையும் காணும் ஒவ்வொருவரையும் பரவசப்படுத்தி வருகிறது.
இந்த வீடியோ, ஜூன் 16ஆம் தேதி @babblu_badmossh என்ற இன்ஸ்டாகிராம் பக்கத்தில் பகிரப்பட்டதிலிருந்து, 2.35 லட்சத்துக்கும் அதிகமானோர் இதை விரும்பியிருக்கின்றனர். மேலும் 4,000-க்கும் மேற்பட்டோர், அந்த குரங்கின் உண்மையான அன்புக்காக உருக்கமான கருத்துக்களை பகிர்ந்துள்ளனர்.
ஒரு பயனர், “இந்தக் குரங்கு மனிதர்களைவிட சிறந்த அன்பினை காட்டுகிறது” என எழுதினார். மற்றொருவர், “அவன் கட்டிப்பிடிக்கும் அன்பு என் இதயத்தை வென்றது” என்றார். மேலும், “மனிதநேயத்தை இந்த வாய் பேசாத விலங்குகளிடம் இருந்தே நாம் கற்றுக்கொள்ள வேண்டும்” எனவும் கருத்துக்கள் வலம் வருகின்றன.
இந்த வீடியோ மனிதனுக்கும் விலங்குக்கும் இடையிலான பாசத்தின் மிக அழகான எடுத்துக்காட்டு என்பதில் மாற்றுக்கருத்தே இல்லை. மேலும் உணர்ச்சிவசமாக, கண்கள் நனையாமல் இந்தக் காணொளியை பார்ப்பது கடினம். மனிதம் என்பது மொழியால் வரையறுக்கப்படவில்லை… உணர்வுகளால் நிரூபிக்கப்படுகிறது என்பதற்கான மிகச் சிறந்த சாட்சி இது.
