சீன கல்வியாளர் மற்றும் ஆய்வாளராக இருக்கும் சுய்சின் ஜியாங் (Xueqin Jiang) தனது YouTube சேனல் Predictive History-இல் வெளியிட்ட வீடியோ தற்போது உலகளவில் வைரலாகி வருகிறது. கடந்த ஆண்டு மே 29, 2024 அன்று பதிவிடப்பட்ட அந்த வீடியோவில், “டொனால்ட் ட்ரம்ப் மீண்டும் அமெரிக்க அதிபராக பதவியேற்றால், அமெரிக்கா ஈரானில் படையெடுக்கும் அபாயம் உண்டு. இது ஒரு ‘பெரும் பேரழிவாக’ மாறும்” என அவர் எச்சரித்திருந்தார்.

அத்தனைக்கும் அதிகமான புரிதலோடு, ஜியாங் தனது முன்னறிவிப்பு வீடியோவில் பெர்லோபொனீசியப் போர் காலத்தில் ஏதென்ஸை சிதைத்த “சிசிலி ஆபரேஷன்”–ஐ உதாரணமாக எடுத்துக் கூறுகிறார். ஆரம்ப தாக்குதல்களில் வெற்றி கிடைத்தாலும், ஈரானின் பரந்த மலைப் பகுதி, சீரழியும் விநியோக வழிகள், மற்றும் உள்ளூர்வாசிகளின் கடும் எதிர்ப்பு காரணமாக, அமெரிக்கா வெற்றி பெற இயலாது என்றும் அவர் விளக்கியுள்ளார்.

“ஈரான் போன்று ஒருங்கிணைந்த மக்களும், கடின நிலப்பரப்பும் உள்ள நாட்டை ஆக்கிரமிக்க, குறைந்தது 30 லட்சம் சிப்பாய்கள் தேவைப்படும். 1 லட்சம் படையுடன் வெற்றி பெறுவது அரசியல், ராணுவ ரீதியாக சாத்தியமல்ல,” என அவர் வலியுறுத்துகிறார்.

ஜியாங் மேலும், அமெரிக்கா மற்றும் இஸ்ரேல் இரண்டும் ஈரானின் அணுஆயுத திட்டத்தையே படையெடுப்பதற்கான காரணமாக முன்வைக்கலாம் எனவும் கூறியுள்ளார். ஆனால், மேற்கத்திய நாடுகள் எதிர்பார்ப்பதைவிட மாறாக, ஈரானியர்கள் தங்கள் அரசை எதிர்க்காமல் ஒருங்கிணைந்து களமிறங்குவார்கள் என்றும் அவர் சுட்டிக்காட்டியுள்ளார். இத்துடன், ஈரானை குற்றம்சாட்டுவதற்காக போலி பயங்கரவாத தாக்குதல் நடக்க வாய்ப்புள்ளதாகவும் அவர் சந்தேகம் தெரிவித்தார்.

Xueqin Jiang யார்?

சுய்சின் ஜியாங் பீஜிங்கில் வசிக்கும் எழுத்தாளர் மற்றும் கல்வியாளர். சீனப் பள்ளிகளில் படைப்பாற்றலை ஊக்குவிக்க ஆலோசனை வழங்குவதில் இவர் சிறப்பு பெற்றவர். உலகளாவிய கல்வி மாநாடுகளில் கலந்துகொண்டு உரையாற்றியுள்ள இவர், பல பன்னாட்டு ஊடகங்களிலும் கட்டுரைகள் எழுதுகிறார்.

கடந்த 2008-2012 இல் யுனைடெட் நேஷன்ஸ் அதிகாரியாகவும், பின்பு சீன மாணவர்களுக்கு கலைச்சிந்தனையும் உலகப்பொறுப்பும் உள்ளவர்களாக உருவாக்கும் பயிற்சிகளை நடத்தியுள்ளார். அவர் ஒரு பத்திரிகையாளர், ஆவணப்பட இயக்குநர், கல்வி ஆலோசகராக பன்முகத்திறமையுடன் பணியாற்றி வருகிறார். மேலும் ஒரு வருடத்திற்கு முன்பாகவே இஸ்ரேல் மற்றும் அமெரிக்கா இரண்டும் ஈரான் மீது தாக்குதல் நடத்தும் என தனித்துள்ளது தற்போது ஆச்சரியமாகவும் பரபரப்பாகவும் பேசப்படுகிறது.