வரவிருக்கும் 2026 சட்டமன்றத் தேர்தலில் தான் போட்டியிடப்போவதில்லை என்று பாஜக மேலிடத்திற்கு அண்ணாமலை கடிதம் எழுதியுள்ளதாகத் தகவல் வெளியாகி, தமிழக அரசியல் களத்தில் பெரும் பரபரப்பை ஏற்படுத்தியுள்ளது. கவுண்டம்பாளையம், சிங்காநல்லூர் அல்லது தனது சொந்த தொகுதியான அரவக்குறிச்சி ஆகிய தொகுதிகளில் ஒன்றில் போட்டியிட அவர் விருப்பம் தெரிவித்திருந்ததாகவும், ஆனால் அந்தத் தொகுதிகள் கிடைக்காததே இந்த முடிவுக்குக் காரணம் என்று அரசியல் வட்டாரங்களில் பேசப்படுகிறது.

இந்தத் தகவல் வெளியானதிலிருந்து, சமூக வலைதளங்களில் அவரது ஆதரவாளர்கள் தங்கள் அதிருப்தியை வெளிப்படுத்தி வருகின்றனர். ​பாஜகவின் முக்கிய முகமாக அறியப்படும் அண்ணாமலை, தேர்தல் களத்திலிருந்து விலகியுள்ளது அந்தப் கட்சியின் தேர்தல் வியூகத்தில் ஒரு பெரிய மாற்றத்தை ஏற்படுத்தியுள்ளது.

கூட்டணியில் தொகுதிப் பங்கீட்டுச் சிக்கல்கள் மற்றும் தனக்கு விருப்பமான தொகுதிகள் கிடைக்காதது போன்ற காரணங்களே அவரை இந்த முடிவை எடுக்கத் தூண்டியிருக்கலாம் எனக் கூறப்படுகிறது. அண்ணாமலையின் இந்த திடீர் முடிவு, பாஜகவின் தேர்தல் பிரச்சாரத்திலும், 2026 சட்டமன்றத் தேர்தல் முடிவுகளிலும் எத்தகைய தாக்கத்தை ஏற்படுத்தும் என்பது பெரும் எதிர்பார்ப்பாக உள்ளது.