அணு ஆயுத உற்பத்தியில் ஈரான் தீவிரமாக ஈடுபட்டு வருவதாகக் குற்றஞ்சாட்டிய இஸ்ரேல், ஜூன் 13ஆம் தேதி ‘ஆபரேஷன் ரைசிங் லயன்’ என்ற பெயரில் ஈரான் மீது விமானக் குண்டுத்தாக்குதல் நடத்தியது. இதற்கு பதிலடியாக, ஈரானும் இஸ்ரேலின் ராணுவ தளங்களை குறிவைத்து தாக்குதல் நடத்தியது.

தற்போது இரு நாடுகளும் மாறிமாறி தாக்குதல்களில் ஈடுபட்டு வருவதால், மேற்கு ஆசியா நிலம் நடுக்கம் போன்ற சூழ்நிலையில் உள்ளது. இந்த நிலையில், ஈரான் உச்ச தலைவர் அலி கமேனி வெளியிட்டுள்ள மிரட்டல் கருத்தும் சர்வதேச கவனத்தை ஈர்த்துள்ளது.

“இஸ்ரேலுக்கு எதிராக அமெரிக்கா களத்தில் குதித்தால் கூட எங்களுக்கு பயமில்லை, அவர்கள் இருவரும் எங்களுக்கு சவாலாக இருக்க முடியாது” என்கிற வகையில், ஈரான் உச்ச தலைவர் அலி கமேனி தனது கடுமையான நிலைப்பாட்டை வெளிப்படுத்தியுள்ளார்.

இவரது பேச்சு தற்போது பல ஊடகங்களின் தலைப்புச் செய்தியாகவே இருக்க, அவரைப் பற்றிய ஒரு புதிய தகவலும் வெளிச்சத்திற்கு வந்துள்ளது. அதாவது, அலி கமேனியின் மூதாதையர்கள் இந்தியாவில் வாழ்ந்தவர்கள் என்பதுதான் அதிர்ச்சியூட்டும் தகவல்.

உத்தரப்பிரதேச மாநிலம் பராபங்கி மாவட்டத்தின் சிரோலி கௌஸ்பூர் தாலுகாவில் அமைந்துள்ள கிந்தூர் கிராமத்தில் 1790ஆம் ஆண்டு சையத் அகமது முசாவி என்பவர் பிறந்தார். இவர் ஈராக்கு வழியாக ஈரான் சென்ற பின்னர் அங்கு நிரந்தரமாக குடியேறினார்.

அவருடைய பேரன் தான் 1979ஆம் ஆண்டு இஸ்லாமியப் புரட்சியை ஏற்படுத்திய அயத்துல்லா ருஹொல்லா கமேனி. இவரின் வாரிசாகவே தற்போது அலி கமேனி ஈரான் உச்ச தலைவராக உள்ளார். இந்த சையத் அகமது முசாவி ‘இந்தி’ என அழைக்கப்பட்டதால், இன்று கமேனி குடும்பம் இந்திய வேர்களைக் கொண்டதாகவே ஏற்கப்படுகிறது.

1978-79இல் பஹ்லவி மன்னராட்சி முறையை எதிர்த்த ருஹொல்லா கமேனியின் இயக்கம் ஈரானில் இஸ்லாமியக் குடியரசை உருவாக்கியதோடு, இந்தியாவைச் சேர்ந்த ஒரு ஷியா அறிஞரின் வழித்தோன்றலான அலி கமேனி இன்று உலகம் கவனிக்கும் அரசியல் சக்தியாக உள்ளார்.

இன்றும் கிந்தூர் கிராமத்தில் கமேனி குடும்பத்தின் வாரிசுகள் வாழ்ந்து வருவதாக தகவல்கள் உறுதிப்படுத்துகின்றன. ஈரான்-இந்தியா இடையேயான இந்த வரலாற்றுச் சம்பந்தம், மேற்கு ஆசிய அரசியல் சூழ்நிலையில் இந்தியாவின் பெயரையும் மறைமுகமாக நிறைவேற்றுகிறது என்பதற்கே இணையாகும்.