
இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாட உள்ளது. இந்நிலையில் இந்தியா-இங்கிலாந்து அணிகளுக்கு இடையேயான முதல் டி20 போட்டி கொல்கத்தாவிலுள்ள ஈடன் கார்டன்ஸ் மைதானத்தில் வருகின்ற 22 ஆம் தேதி நடைபெற உள்ளது. அதனைத் தொடர்ந்து 2-வது போட்டி சென்னை சேப்பாக்கம் மைதானத்தில் 25-ஆம் தேதி நடைபெற உள்ளது.
ஆகவே சேப்பாக்கம் மைதானத்தில் நடக்க உள்ள இந்த கிரிக்கெட் போட்டிக்கான டிக்கெட் விலை மற்றும் தேதி ஆகியவை அறிவிக்கப்பட்டுள்ளது. அதன்படி டிக்கெட் விலை ரூபாய் 1500 இல் இருந்து 15,000 வரை நிர்ணயம் செய்யப்பட்டுள்ளது. மேலும் டிக்கெட் விற்பனை ஜனவரி 12-ஆம் தேதி காலை 11மணிக்கு ஆன்லைனில் தொடங்குகின்றது எனவும் தகவல் வெளியாகி உள்ளது.