நடப்பு 2024-25 ஆம் நிதியாண்டுக்கான முழுமையான மத்திய பட்ஜெட் இதுவரை தாக்கல் செய்யவில்லை. இந்த ஆண்டு மக்களவைத் தேர்தல் நடந்ததால் இடைக்கால பட்ஜெட் மட்டும் கடந்த பிப்ரவரி மாதம் தாக்கல் செய்யப்பட்டது. இந்த நிதியாண்டுக்கான முழுமையான பட்ஜெட் தாக்கல் செய்வதில் அரசு மும்முரம் காட்டிய நிலையில் பட்ஜெட் கூட்டத்தொடர் நேற்று தொடங்கியது.

ஆகஸ்ட் 12ஆம் தேதி வரை இந்த கூட்டத்தொடர் நடைபெற உள்ள நிலையில் முக்கிய நிகழ்வான பட்ஜெட் தாக்கல் இன்று தொடங்கியது. கடந்த காலங்களில் அனைத்து பட்ஜெட்டையும் பாஜக தனி பெரும்பான்மை பலத்துடன் தாக்கல் செய்த நிலையில் முதல் முறையாக பாஜக தலைமையிலான கூட்டணி அரசு மத்திய பட்ஜெட்டை தாக்கல் செய்கிறது. மத்திய நிதி அமைச்சர் நிர்மலா சீதாராமன் 7-வது முறையாக பட்ஜெட்டை  தாக்கல் செய்து வருகிறார்.

புதிய வருமான வரி திட்டம் அறிவிப்பின்படி 3 லட்சம் வரை வரி கிடையாது என்று தெரிவிக்கப்பட்டுள்ளது.
* 3 லட்சம் முதல் 7 லட்சம் ரூபாய் வரை வருமானத்திற்கு 5 % வரி செலுத்த வேண்டும்.
* 7 லட்சம் முதல் 10 லட்சம் வரை உள்ள வருமானத்திற்கு 10% வரி செலுத்த வேண்டும்
* 10லட்சம் முதல் 12 லட்சம் வரையிலான வருமானத்திற்கு 15 % வரி செலுத்த வேண்டும்.
* 12 இலிருந்து 15 லட்சம் வரையிலான வருமானத்திற்கு 20% வரி செலுத்த வேண்டும்.
* 15 லட்சத்திற்கும் மேலிருந்தால் 30 % வரி செலுத்த வேண்டும்.