தமிழக பாஜக கட்சியின் புதிய தலைவராக நயினார் நாகேந்திரன் ஒருமனதாக தேர்வு செய்யப்பட்டுள்ளார். இந்த அறிவிப்பை நேற்று அமித்ஷா வெளியிட்டார். தென் மாவட்டத்திலிருந்து முதல் முறையாக பாஜக சார்பில் நயினார் நாகேந்திரன் தலைவராக தேர்வு செய்யப்பட்டுள்ளார். இவர் ஜெயலலிதாவின் அமைச்சரவையில் இருந்த நிலையில் 2017 ஆம் ஆண்டு பாஜகவில் இணைந்தார். கிட்டதட்ட 8 வருடங்களாக இவர் பாஜக கட்சியில் இருக்கும் நிலையில் நெல்லையில் முடி சூடா மன்னனாக திகழ்ந்து தொடர்ந்து எம்எல்ஏவாக வெற்றி பெற்று வருகிறார்.

இந்நிலையில் இன்று சென்னை கமலாயத்தில் பாஜக மாநில தலைவர் பதவியேற்பு விழா நடைபெறுகிறது. அதன்படி இன்று கமாலாயத்தில் பதவி ஏற்கும் விழா நடைபெற்ற நிலையில் அதிகாரப்பூர்வமாக நயினார் நாகேந்திரன் பாஜகவின் தலைவராக அறிவிக்கப்பட்டு பதவியேற்றுள்ளார். மேலும் இந்த நிகழ்ச்சியில் பாஜக முக்கிய தலைவர்கள் மற்றும் தொண்டர்கள் என ஏராளமானோர் கலந்து கொண்டனர்.