அமெரிக்காவைச் சேர்ந்த கிரிஸ்டன் ஃபிஷர் என்ற பெண், “இந்தியாவிற்குப் போகாதீர்கள்” என்ற தலைப்புடன் தனது அனுபவங்களை பகிர்ந்த வீடியோவை இன்ஸ்டாகிராமில் வெளியிட்டுள்ளார். அதாவது கடந்த ஜூன் 15ஆம் தேதி பதிவிட்ட அந்த வீடியோ தற்போது 18 லட்சம் பார்வையாளர்களை தாண்டி வைரலாகி வருகிறது.

அந்த வீடியோவில் கிரிஸ்டன் கூறுவதாவது, “இந்தியாவிற்குப் போகாதீர்கள்… ஏனெனில் அது உங்கள் வாழ்க்கையை நிச்சயமாக மாற்றிவிடும். அற்புதமான மக்களை சந்திப்பீர்கள், ஆச்சரியமளிக்கும் உணவுகளை சுவைப்பீர்கள், கண்கொள்ளா காட்சிகளைப் பார்க்கலாம், பண்பாடும் வரலாறும் மிகுந்த அனுபவத்தை நிச்சயமாகப் பெறுவீர்கள். ஒருமுறை வந்தால் திரும்பப் போகவே மனமில்லாமல் போய்விடும்.”

கிரிஸ்டன் தற்போது தனது கணவர் மற்றும் 4 குழந்தைகளுடன் டெல்லியில் வசிக்கிறார். அவர்கள் “ஸ்கைஃபிஷ் டெவலப்மென்ட்” என்ற நிறுவனம் ஒன்றை நடத்தி வருகின்றனர். கடந்த 4 ஆண்டுகளாக இந்தியாவில் வாழும் கிரிஸ்டன், “இந்தியா என்னை முற்றிலும் மாற்றிவிட்டது. இது என் இதயத்தை கைப்பற்றியிருக்கும், உங்களையும் வசீகரிக்க வாய்ப்பு அதிகம்.

நான் இந்தியாவிற்கு வந்த பிறகு மீண்டும் திரும்பி பார்க்கவே இல்லை” என்று பதிவிட்டுள்ளார். அந்த வீடியோவில் பயனர்கள் உருக்கமான கருத்துகளை பதிவிட்டு வருகிறார்கள்.மேலும், ஜூன் 22ஆம் தேதி she shared another video where she boldly stated, “நான் அமெரிக்காவில் ஒரு சாதாரண வாழ்க்கையை விட, இந்தியாவில் ஒரு வித்தியாசமான வாழ்க்கையைத் தேர்ந்தெடுத்தேன்.

” கடந்த 4 ஆண்டுகளில் தாம் சந்தித்த மக்களும், கண்ட இடங்களும், சாப்பிட்ட உணவுகளும் தன்மீது மிகப் பெரிய தாக்கத்தை ஏற்படுத்தியதாகவும், இந்தியா தன்னை மாற்றியமைத்துவிட்டதாகவும் கூறியுள்ளார். “வாழ்க்கையில் ஒரே ஒரு வாய்ப்பு தான். அதை எப்படி வாழப்போகிறீர்கள்?” என்ற ஆழமான கேள்வியுடன் தனது வாழ்வியல் பார்வையை அவர் பகிர்ந்துள்ளார்.