தமிழ் சினிமாவில் முன்னணி நடிகராக வலம் வருபவர் சசிகுமார். இவர் அயோத்தி, கருடன் போன்ற படங்களின் மூலம் ரசிகர்கள் மத்தியில் நல்ல வரவேற்பை பெற்றார். தற்போது “டூரிஸ்ட் ஃபேமிலி” என்ற படத்தில் நடித்து முடித்துள்ளார். இந்த திரைப்படத்தினை டாலர் ஸ்டுடியோஸ் தயாரித்துள்ள நிலையில், அபிஷன் ஜீவந்த் இயக்கியுள்ளார்.

இந்த திரைப்படத்தில் சிம்ரன், யோகி பாபு, எம் எஸ் பாஸ்கர், மிதுன் ஜெய்சங்கர், கமலேஷ் ஆகியோர் முக்கிய கதாபாத்திரங்களில் நடித்துள்ளனர். இந்த திரைப்படம் இலங்கையை சேர்ந்த ஒரு குடும்பம் தமிழகத்திற்குள் சட்டவிரோதமாக நுழைவதாகவும், அங்கு அவர்கள் சந்திக்கும் பல சம்பவங்கள் குறித்தும் அமைந்துள்ளது.

கடந்த மே 1 ம் தேதி வெளியான இந்த திரைப்படம் தமிழகத்தில் மட்டுமே 20 கோடி வசூல் சாதனை புரிந்துள்ளது. இந்நிலையில் இந்த படத்தின் இயக்குனர், தயாரிப்பாளர் மற்றும் படக்குழுவை நேரில் அழைத்து நடிகர் சிவகார்த்திகேயன் பாராட்டு தெரிவித்துள்ளார்.