தமிழ்நாடு சட்டமன்றப் பேரவையில் நேற்று ஒரு  எதிர்பாராத தருணம் அரங்கேறியது. மாநிலத்தின் ஒட்டுமொத்தப் பார்வையும் சட்டசபையை நோக்கியிருக்க, தமிழக முதலமைச்சர் விஜய் அவர்கள் சட்டமன்ற உறுப்பினர்களின் ஊதியம் மற்றும் படிகள் தொடர்பான முக்கியமான அறிவிப்பை வெளியிட்டார்.

வழக்கமாக சட்டசபைக் கூட்டத்தொடர் என்றாலே காரசாரமான விவாதங்கள், கேள்வி நேரங்கள் மற்றும் கோரிக்கைகள் என்றுதான் நமக்கு நினைவுக்கு வரும். ஆனால், மக்கள் பிரதிநிதிகளான எம்.எல்.ஏ-க்களின் நீண்ட நாள் கோரிக்கைகளுக்கு ஒரு முற்றுப்புள்ளி வைக்கும் விதமாக இந்த அசத்தலான அறிவிப்பு வெளியானது.

பொதுமக்களுக்குச் சேவை செய்யும் சட்டமன்ற உறுப்பினர்கள் தங்கள் தொகுதிப் பணிகளை எந்தவிதத் தடையுமின்றி முழு ஈடுபாட்டுடன் மேற்கொள்ள வேண்டும் என்றால், அவர்களுக்குரிய அடிப்படை வசதிகளும் பயணப் படிகளும் போதுமானதாக இருக்க வேண்டும் என்பதே இந்த அறிவிப்புக்குப் பின்னுள்ள முக்கியக் காரணமாகப் பார்க்கப்படுகிறது.

இதன்படி, இனி அனைத்து சட்டமன்ற உறுப்பினர்களுக்கும் தனித்தனியாக கார் மற்றும் அதற்கான வாகனப்படி உயர்த்தப்பட்டு வழங்கப்படவுள்ளது. மேலும், அவர்களின் அலுவலகப் பணிகளை எளிதாக்க உதவியாளர் படியும் உயர்த்தப்பட்டுள்ளது. இந்த புதிய மாற்றங்கள் மூலம், ஒவ்வொரு சட்டமன்ற உறுப்பினரும் இனி ஒட்டுமொத்தமாக மாதாந்திர சம்பளமாக ரூபாய் 1.80 லட்சம் வரை பெறவுள்ளனர். ஏற்கனவே இருந்த அடிப்படை ஊதியம் மற்றும் சில படிகள் மாறாமல் தொடர்ந்தாலும், இந்த கூடுதல் வாகன மற்றும் உதவியாளர் படிகள் எம்.எல்.ஏ-க்களுக்குப் பெரும் நிம்மதியைத் தரும் என்பதில் சந்தேகமில்லை.

மேலும் இந்த புதிய அறிவிப்பின் மூலம் இனி ஒரு தொகுதிக்கு ஆண்டு நிதியாக 3.54 கோடி ரூபாய் ஒதுக்கப்படும் என்பது குறிப்பிடத்தக்கது.