தமிழ்நாடு சட்டமன்றக் கூட்டத்தொடரில், முதன்முறையாகத் தேர்ந்தெடுக்கப்பட்டுள்ள சட்டமன்ற உறுப்பினர்களின் வசதிக்காகக் கார் மற்றும் உதவியாளர்களை (P.A) அரசு சார்பில் வழங்க வேண்டும் என்ற கோரிக்கை எழுந்துள்ளது.

​சட்டமன்றத்தில் பேசிய விடுதலைச் சிறுத்தைகள் கட்சி (VCK) எம்எல்ஏ ஜோதிமணி, “முதன்முறையாக எம்எல்ஏக்களாகத் தேர்ந்தெடுக்கப்பட்டுள்ள பலரிடம் சொந்தமாக வாகன வசதி இல்லை. இதனால் தொகுதி முழுவதும் நேரில் சென்று ஆய்வு செய்வதிலும், மக்களின் குறைகளைக் கேட்டறிவதிலும் சிரமங்கள் நீடிக்கின்றன. எனவே, முதன்முறை எம்எல்ஏக்களுக்கு அரசு சார்பில் கார் மற்றும் பணிகளைத் துரிதப்படுத்த உதவியாளர்களை நியமிக்க நடவடிக்கை எடுக்க வேண்டும்” என்று சபாநாயகரிடம் கோரிக்கை வைத்தார்.

​இக்கோரிக்கையைப் பரிசீலித்த சபாநாயகர், “முதலமைச்சரின் கரங்கள் அள்ளிக் கொடுக்கும் கரங்கள் என்பதால், இந்த நியாயமான கோரிக்கை நிச்சயம் அரசின் கவனத்திற்கு எடுத்துச் செல்லப்பட்டுப் பரிசீலிக்கப்படும்” என்று உறுதியளித்தார்.

​இதனைத் தொடர்ந்து, தொகுதிப் பணிகளை உறுப்பினர்கள் அனைவரும் தடையின்றி மேற்கொள்ளும் வகையில், முதன்முறை எம்எல்ஏக்களுக்கு அரசு சார்பில் கார் மற்றும் உதவியாளர்களை வழங்குவது குறித்து முதலமைச்சர் விஜய் ஆலோசித்து முடிவெடுக்க உள்ளதாகத் தகவல்கள் வெளியாகியுள்ளன. இந்தத் தகவல் சட்டமன்ற உறுப்பினர்கள் மத்தியில் பெரும் வரவேற்பைப் பெற்றுள்ளது.