சமூக வலைதளங்களில் எப்போது எந்த விசித்திரமான வீடியோ வைரலாகும் என்பதை எவராலும் கணிக்க முடியாது. அந்த வகையில், தற்போது ஒரு நபர் பைக்கை கயிறுகளால் மரத்தில் கட்டி, ராட்டினம் போல காற்றில் ஊஞ்சலாட விட்டிருக்கும் ஒரு சாகச வீடியோ இணையத்தில் காட்டுத்தீ போல பரவி வருகிறது.

அந்த வைரல் வீடியோவில், ஒரு பெரிய மற்றும் வலுவான மரத்தின் கிளையில் இரண்டு தடிமனான கயிறுகள் கட்டப்பட்டுள்ளன. அந்த கயிறுகளின் மறுமுனை ஒரு மோட்டார் சைக்கிளுடன் இணைக்கப்பட்டுள்ளது. பார்ப்பதற்கு வழக்கமான ஊஞ்சல் போல இருந்தாலும், அங்கே ஊஞ்சலுக்குப் பதிலாக ஒரு பைக் அந்தரத்தில் தொங்குகிறது.

இதனைத் தொடர்ந்து, ஒரு இளைஞர் அந்தப் பைக்கின் மீது அமர்ந்து எக்ஸைலேட்டரை முறுக்குகிறார். பைக்கின் வேகம் அதிகரிக்கவே, அது கயிறுகளின் உதவியுடன் காற்றில் மேலே எழும்பத் தொடங்குகிறது. சில விநாடிகளில் அந்தப் பைக் ஒரு ராட்டினம் போல முன்னோக்கி மற்றும் பின்னோக்கி ஆடுகிறது. பைக் மேலே சென்று, மீண்டும் கீழே வந்து தரையை லேசாகத் தொட்டுவிட்டு மறுபுறம் செல்வதை அந்த இளைஞர் செய்கிறார்.

இந்த விசித்திரமான சாகசத்தைக் காண அப்பகுதியில் பலரும் கூடிவிட்டனர். இருப்பினும், அந்த ஸ்டண்டில் உள்ள ஆபத்தைப் புரிந்து கொண்டு அவர்கள் பைக்கிலிருந்து சற்று தள்ளியே நின்றிருந்தனர்.

இந்த வீடியோ சமூக வலைதளப் பக்கமான எக்ஸ் (X) தளத்தில் பகிரப்பட்டுள்ளது. வெளியான சிறிது நேரத்திலே ஆயிரக்கணக்கானோர் இதைப் பார்வையிட்டுள்ளனர். வீடியோவை பார்த்த நெட்டிசன்கள் தங்களது பலவிதமான கருத்துக்களைத் தெரிவித்து வருகின்றனர். சிலர் இந்த வித்தியாசமான யோசனையைப் பார்த்து ரசித்தாலும், பலரும் இது மிகவும் ஆபத்தானது என்று எச்சரித்துள்ளனர்.

இந்த சாகசம் பார்ப்பவர்களுக்கு எவ்வளவு விநோதமாக இருக்கிறதோ, அதைவிட பல மடங்கு ஆபத்து இதில் மறைந்துள்ளது. திடீரென கயிறு அறுந்துவிட்டாலோ, பைக்கின் சமநிலை தவறிவிட்டாலோ அல்லது ஓட்டுநரின் கட்டுப்பாடு கொஞ்சம் குலைந்தாலோ ஒரு பெரிய விபத்து நேரிடலாம். இதுபோன்ற ஆபத்தான ஸ்டண்டுகளில் சிறிய தவறு கூட பெரிய விலையைக் கொடுத்துவிடும் என்பதால், யாரும் இத்தகைய முயற்சிகளில் ஈடுபட வேண்டாம் என்பதே அனைவரின் எச்சரிக்கையாக உள்ளது.