“என்னப்பா ஆட்டம் இது.. தம்மாத்தூண்டு பையன் செய்ற வேலையா இது!” என்று ஒட்டுமொத்த உலக கிரிக்கெட்டே மிரண்டு போய் வாய் பிளந்து பார்க்கும் வகையில், ஐபிஎல் 2026 தொடரில் நேற்றைய ஒரே போட்டியில் 12 சிக்ஸர்களைப் பறக்கவிட்டு, நடப்பு சீசனில் மொத்தம் 65 சிக்ஸர்களுடன் அசுர சாதனை படைத்துள்ளார் 15 வயது இளம் சூறாவளி வைபவ் சூர்யவன்ஷி!

இதற்கு முன்னதாக ‘யுனிவர்ஸ் பாஸ்’ கிறிஸ் கெயில் ஒரே சீசனில் அடித்திருந்த 59 சிக்ஸர்கள் தான் இமாலய சாதனையாக இருந்தது; ஆனால், பும்ரா, ஹேசில்வுட், கம்மின்ஸ் போன்ற உலகத்தரம் வாய்ந்த பந்துவீச்சாளர்களின் பந்துகளை எல்லாம் அசால்ட்டாக தலைக்கு மேல் சிக்ஸர்களாகத் தூக்கிய இந்த ‘பேபி மான்ஸ்டர்’, கெயிலின் சாதனையை தவிடுபொடியாக்கி புதிய சரித்திரம் படைத்துள்ளார்.

இந்த அசாத்திய ஆட்டத்தைக் கண்டு மிரண்டுபோன ஜாம்பவான் கிறிஸ் கெயிலே நேரில் வந்து, “என்ன ஒரு அமேசிங்கான பிளேயர்.. ஐபிஎல்லின் புதிய ‘சிக்ஸ் ஹிட்டிங் மெஷின்’ இவர்தான் பா!” என மனமாரப் பாராட்டி உச்சி முகர்ந்துள்ளார்.

கெயில் மட்டுமின்றி சச்சின் டெண்டுல்கர், யுவராஜ் சிங், ஆண்ட்ரே ரஸ்ஸல் என உலக கிரிக்கெட்டின் அத்தனை சாம்பியன் வீரர்களும் “இப்படியொரு அதிசயத்தை நாங்க பார்த்ததே இல்ல” என வைபவ்வை சமூக வலைத்தளங்களில் புகழ்ந்து தள்ளி வருவதால், இந்த 15 வயது சிக்ஸ் மெஷினின் மாஸ் ஆட்டம் தான் இப்போதைக்கு சோஷியல் மீடியாவின் டாப் ட்ரெண்டிங் ஹாட் டாபிக்!