தமிழகத்தில் மக்களவைத் தேர்தல் முடிந்துவிட்ட நிலையில், தனது தேர்தல் பரப்புரைப் பணிகளை முடித்துவிட்டு ஓய்வெடுப்பதற்காக முதலமைச்சர் மு.க.ஸ்டாலின் அவர்கள் கொடைக்கானலுக்குப் பயணம் மேற்கொண்டுள்ளார்.

இதற்காக சென்னை விமான நிலையத்திலிருந்து மதுரை விமான நிலையம் வந்திறங்கிய அவரிடம், “தேர்தலில் வெற்றி வாய்ப்பு எப்படி இருக்கிறது?” எனச் செய்தியாளர்கள் ஆவலுடன் கேள்வி எழுப்பினர். அதற்குப் பதில் ஏதும் சொல்லாமல், முகத்தில் புன்னகை ததும்ப ‘தம்ஸ் அப்’ (Thumbs Up) சைகையை மட்டும் காட்டிவிட்டு அவர் காரில் ஏறிச் சென்றார்.

முதலமைச்சரின் இந்த அதிரடி ரியாக்ஷன், “வெற்றி நமதே” என்று அவர் சொல்லாமல் சொல்வது போல் இருப்பதாக திமுக உடன்பிறப்புகள் கொண்டாடி வருகின்றனர். தற்போது சமூக வலைதளங்களில் இந்த வீடியோ தீயாய் பரவி, அரசியல் வட்டாரத்தில் பெரும் விவாதத்தைக் கிளப்பியுள்ளது.

“>