நெல்லையில் செய்தியாளர்களை சந்தித்த பாஜக மாநில தலைவர் நயினார் நாகேந்திரன், பீகாரில் 65 லட்சம் வாக்காளர்கள் நீக்கப்பட்டதாக கூறும் ராகுல்காந்தி மீது சாடியுள்ளார். அவர் கூறியதாவது, “இறந்தவர்கள் மற்றும் வெளியூரில் குடிபெயர்ந்தவர்களே அந்த 65 லட்சம் வாக்காளர்கள். அவர்களை மீண்டும் வாக்காளர் பட்டியலில் சேர்க்க ராகுலுடன் மு.க.ஸ்டாலின் பேரணியாக செல்லுவது வருத்தமளிக்கிறது” என்றார். இது தொடர்பாக மு.க.ஸ்டாலின் அதே நிலைப்பாட்டில் இருக்கிறாரா என்ற கேள்வி எழுந்துள்ளதாகவும் நயினார் நாகேந்திரன் விளக்கமளித்தார்.

திமுக அமைச்சர் சேகர்பாபு என்னை கடுமையாக விமர்சிக்கிறார் என்றும், அவர் ஒரு பயத்தில் அந்த வார்த்தைகளை பேசுகிறாரெனவும் நயினார் நாகேந்திரன் குறிப்பிட்டார். மேலும், விடுதலைச் சிறுத்தைகள் கட்சி தலைவர் திருமாவளவன், மனதளவில் பாஜக அணியை ஆதரிக்கிறார் என்றும், ஆனால் அவர் கூட்டணியில் இணையவா என்பது அவரே பதில் சொல்ல வேண்டும் என்றார். நிகழ்ச்சியின் இறுதியில், எதிர்வரும் தேர்தல்களில் பாஜக பெரும் வெற்றியை பெறும் என நம்பிக்கை தெரிவித்தார்.