அமெரிக்காவின் அலாஸ்கா மாநிலத்தில் கடந்த ஆகஸ்ட் 15-ஆம் தேதி நடைபெற்ற டொனால்ட் டிரம்ப் மற்றும் ரஷ்ய அதிபர் விளாடிமிர் புதின் இடையிலான சந்திப்பு தற்போதைய சர்வதேச அரசியலில் முக்கியமான தருணமாக கருதப்படுகிறது.

இந்த சந்திப்பின் போது இருவரும் ஒருவரையொருவர் மகிழ்ச்சியுடன் வாழ்த்து பெற்றுக் கொண்ட காட்சிகள் புகைப்படங்களாகவும், வீடியோக்களாகவும் சமூக ஊடகங்களில் வேகமாக பரவி வருகின்றன. குறிப்பாக, உக்ரைன் நிலைமையைப் பற்றிய விவாதங்கள் நடைபெற்றிருக்க வாய்ப்பு இருந்தாலும், அந்த சந்திப்பைச் சுற்றி தற்போது அதிக கவனத்தை ஈர்த்திருப்பது புதின் தொடர்பான ஒரு புதிய சதி கோட்பாடாகும்.

சமூக வலைதளங்களில் பல பயனர்கள், டிரம்பை சந்தித்தவர் உண்மையான புதின் அல்ல என்றும், அவரைப் போலவே தோற்றமுடைய ஒருவர் என்பதை உறுதிப்படுத்தும் வகையில் பல மாற்றங்களை விவரிக்கின்றனர். “அலாஸ்காவுக்கு வந்த புதின் வழக்கமான முக அமைப்பைக் காட்டவில்லை, அவரது கன்னங்கள் மிகக் கொழுப்பாக இருந்தன” என ஒரு பயனர் குறிப்பிட்டுள்ளார்.

மேலும், “வழக்கமாக கடுமையான முகபாவனை கொண்டிருக்கும் புதின், இந்த சந்திப்பில் மிகவும் சந்தோஷமாக இருந்தார், இது சந்தேகத்தை ஏற்படுத்துகிறது” எனவும் மற்றொரு பயனர் பதிவிட்டுள்ளார். இதனையடுத்து, “இது புடினின் உடல் இரட்டை எண் 5-ஆ இருக்கும்” என சிலர் உறுதி பண்ணும் அளவுக்கு இந்த விஷயம் பரவியுள்ளது.

“>

 

இந்த வார்த்தைகள் அனைத்தும் சத்தியத்தை மீறிய சதி கோட்பாடாக இருக்கலாம் என்றாலும், சமூக ஊடகங்களில் இதற்கான ஆதாரங்களைப் போலவே காணப்படும் புகைப்பட ஒப்பீடுகள், பழைய மற்றும் புதிய வீடியோக்களில் காணப்படும் உடல் மொழிகள் எனும் அடிப்படையில் விவாதங்கள் உருவாகியுள்ளன.

இது போன்ற கருத்துகள் உண்மையை அடிப்படையாகக் கொண்டவை என்று நிரூபிக்க ஏதும் அதிகாரப்பூர்வ ஆதாரங்கள் இல்லை என்பதையும் கவனத்தில் கொள்ள வேண்டும். இருப்பினும், ரஷ்ய அதிபர் தொடர்பான இவ்வகை சதி கோட்பாடுகள் புதிதல்ல. கடந்த சில ஆண்டுகளாகவே புதின் உடல் இரட்டையர் பொதுவில் பங்கேற்கின்றனர் என்ற சர்ச்சைகள் உள்ளன. தற்போது டிரம்ப் சந்திப்பை ஒட்டி மீண்டும் இந்த விவாதம் பீக் நிலைக்கு சென்றுள்ளது.