டாக்கா: வங்கதேச தலைநகர் டாக்காவில் உள்ள ஒரு பள்ளி வளாகத்தில் ராணுவத்துக்குச் சொந்தமான பயிற்சி விமானம் ஒன்று நொறுங்கி விழுந்து பயங்கர விபத்துக்குள்ளானது. இதில் ஒருவர் உயிரிழந்ததுடன், பலர் படுகாயமடைந்துள்ளதாக தகவல்கள் வெளியாகியுள்ளன.

விபத்து தொடர்பான தகவலின்படி, டாக்கா நகரில் அமைந்துள்ள மைல் ஸ்டோன் கல்வி நிறுவனத்தின் உத்தரா கேம்பஸ் பகுதியில் இந்த சம்பவம் நடந்துள்ளது. வங்கதேச விமானப்படையின் எஃப்-7 (F-7) வகை பயிற்சி விமானம் இன்று காலை சற்றுநேரம் பயணித்த பிறகு எதிர்பாராதவிதமாக கட்டுப்பாட்டை இழந்து, கல்வி வளாகத்துக்குள் விழுந்து நொறுங்கியது. விமானம் தரையில் விழுந்ததும் அதில் தீ விபத்து ஏற்பட்டு இடத்தை முழுமையாக புகை மூட்டம் சூழ்ந்தது. மாணவர்கள் மற்றும் ஆசிரியர்கள் பதற்றத்தில் சிதறி ஓடினர்.