திருச்சி விமான நிலையத்தில் விசிக தலைவர் திருமாவளவன் செய்தியாளர்களை சந்தித்தார். அப்போது அவரிடம், கூட்டணிக்கு அதிமுக தான் தலைமை என்ற நிலை வந்தால் விடுதலை சிறுத்தைகள் கட்சி அதில் சேர வாய்ப்புள்ளதா என்று கேள்வி கேட்கப்பட்டது. இதற்கு பதில் அளித்த அவர், அதிமுகவுடன் பாஜக இருக்குமா? என்று கேட்டார்.

அதன் பின் பாஜக, பாமக இருக்கும் இடத்தில் நாங்கள் இருக்க மாட்டோம் என்று திருமாவளவன் தெரிவித்தார். அப்போ அதிமுகவுடன் பாஜக இருந்தால்? என்று கேட்டனர். அதற்கு அவர் அதிமுக, பாஜக கூட்டணியாக இருப்பதில் எந்த கசப்பும் இல்லை. ஆனால் அதிமுக எச்சரிக்கையாக இருக்க வேண்டும் என்றும் கூறியுள்ளார்.