தமிழ் சினிமாவில் முன்னணி நடிகராக இருப்பவர் விஜய். இவருக்கு கோடிக்கணக்கான ரசிகர்கள் இருக்கிறார்கள். தமிழ்நாடு மட்டுமின்றி கேரளா உள்ளிட்ட பல மாநிலங்களில் விஜய்க்கு ஏராளமான ரசிகர்கள் இருக்கிறார்கள். கடந்த வருடம் தமிழக வெற்றி கழகம் என்ற அரசியல் கட்சியினை நடிகர் விஜய் தொடங்கிய நிலையில் அடுத்து வரும் 2026 ஆம் ஆண்டு சட்டசபை தேர்தலில் போட்டியிடுகிறார்.

தமிழக அரசியலில் விஜயின் அரசியல் வருகை தாக்கத்தை ஏற்படுத்தும் என்று கூறப்படும் நிலையில் தற்போது விஜய்  தளபதி 69 திரைப்படத்தில் நடித்து வருகிறார். இந்தப் படத்திற்கு ஜனநாயகன் என்ற பெயர் வைக்கப்பட்டுள்ள நிலையில் இது விஜயின் கடைசி படமாகும். இந்நிலையில் நடிகர் விஜயின் தீவிர ரசிகர் ஒருவர் நெருப்பில் விறகு கட்டையை வைத்து சுவரில் அவருடைய புகைப்படத்தை வரைந்துள்ளார். மேலும் இது தொடர்பான வீடியோ தற்போது சமூக வலைதளத்தில் மிகவும் வைரலாகி வருகிறது.