டைரக்டர் சுகுமார் இயக்கத்தில் அல்லு அர்ஜுன், ராஷ்மிகா மந்தனா, பகத் பாசில், ஜகதீஷ், சுனில், ராவ் ரமேஷ் உட்பட பலர் நடிப்பில் சென்ற 2021-ம் வருடம் வெளியாகி மிகப் பெரிய ஹிட்டடித்த படம் “புஷ்பா”. தெலுங்கு மொழியில் உருவான இப்படம் தமிழ், இந்தி, மலையாளம், கன்னடம் உள்ளிட்ட இந்திய மொழிகளில் வெளியாகி ரூ.350 கோடி வரை வசூலை ஈட்டியது. இப்போது இந்த படத்தின் 2-ஆம் பாகமான “புஷ்பா-தி ரூல்” படத்தின் சூட்டிங் மும்முரமாக நடந்து வருகிறது.

அண்மையில் நடிகர் அல்லு அர்ஜூன் பிறந்தநாளை முன்னிட்டு “புஷ்பா-தி ரூல்” படத்தின் சிறப்பு கிளிம்ப்ஸ் வீடியோவை படக்குழுவானது வெளியிட்டது. தற்போது இந்த வீடியோ யூ டியூபில் 64 மில்லியன் பார்வையாளர்களையும் 2.48 மில்லியன் லைக்குகளையும் குவித்து டிரெண்டிங்கில் முதலிடத்தில் இருக்கிறது. இதை படக்குழு போஸ்டர் ஒன்றை வெளியிட்டு அறிவித்திருக்கிறது.