மத்திய பிரதேச மாநிலம் போபாலைச் சேர்ந்த அபிஷேக் சாஹூ என்ற இளைஞர், தனது முதல் தொழிலில் மிகப்பெரிய தோல்வியைச் சந்தித்த போதிலும் மனம் தளராமல், யூடியூப் பார்த்துத் தொடங்கிய சாண்ட்விச் தொழிலின் மூலம் இன்று மாதம் சுமார் ரூ.25 லட்சம் வரை வருமானம் ஈட்டி அசுர வளர்ச்சி கண்டுள்ளது பெரும் ஆச்சரியத்தை ஏற்படுத்தியுள்ளது.

​முதல் தொழிலில் ஏற்பட்ட நஷ்டத்திற்குப் பிறகு என்ன செய்வதென்று தெரியாமல் தவித்த அபிஷேக், சோஷியல் மீடியாவில் யூடியூப் வீடியோக்களைப் பார்த்துப் புதுமையான மற்றும் விதவிதமான சாண்ட்விச் ரெசிபிகளைக் கற்றுக் கொண்டார். பின்னர், கையில் பணமில்லாத சூழலில் நண்பர்கள் மற்றும் உறவினர்களிடம் ரூ.30,000 கடன் வாங்கி, சிறிய தள்ளுவண்டியில் தனது சாண்ட்விச் கடைகளுக்கான பணியைத் தொடங்கினார்.

​அவர் தயாரித்த சாண்ட்விச்சின் தனித்துவமான சுவை மற்றும் மிகக் குறைந்த விலை காரணமாக, போபால் மக்கள் மத்தியில் குறுகிய காலத்தில் அமோக வரவேற்பைப் பெற்றது. ஆரம்பத்தில் தள்ளுவண்டியாகத் தொடங்கப்பட்ட இந்தச் சாண்ட்விச் தொழில், தற்போது அசுர வளர்ச்சி கண்டு மாதம் ரூ.25 லட்சம் வரை வருமானம் ஈட்டித் தரும் மிகப்பெரிய உணவகமாக உருவெடுத்துள்ளது. தோல்வியிலிருந்து மீண்டு வந்து சாதனை படைத்துள்ள இந்த இளைஞரின் கதை இணையத்தில் தீயாய் பரவி வருகிறது.