சேலம் மாவட்டம் மேட்டூர் சேர்ந்தவர் டயர் பழுது பார்க்கும் கடை உரிமையாளர் கே.பத்மராஜன். இவர் இதுவரை 238 தேர்தல்களில் போட்டியிட்டு தோல்வியடைந்துள்ளார். உள்ளாட்சி தேர்தலில் இருந்து எம்பி மற்றும் எம்எல்ஏ என அனைத்து வகை தேர்தல்களிலும் போட்டியிட்டுள்ளார். இந்த நிலையில் 2024 ஆம் ஆண்டு மக்களவைத் தேர்தலில் போட்டியிட்டு மீண்டும் செய்திகளில் இடம் பிடித்தார். தேர்தல் முடிவுகளைப் பற்றி தமக்கு கவலை இல்லை என்றும் போட்டியிடுவதே தமது குறிக்கோள் என்றும் அவர் கூறுகிறார்.