மகாராஷ்டிரா மாநிலத்தில் ஆண்டுதோறும் மிகக் விமரிசையாகக் கொண்டாடப்படும் நவராத்திரி விழாவின்போது நடைபெறும் புகழ்பெற்ற கர்பா மற்றும் தாண்டியா நடன நிகழ்ச்சிகளில், முஸ்லிம்கள் பங்கேற்பதைத் தடுக்கும் வகையில் விஷ்வ இந்து பரிஷத் (VHP) அமைப்பு புதிய வழிகாட்டுதல்களை வெளியிட்டுள்ளது பெரும் சர்ச்சையை ஏற்படுத்தியுள்ளது. விழா நடைபெறும் வளாகத்திற்குள் நுழையும் ஒவ்வொருவரின் ஆதார் அட்டையையும் நுழைவாயிலிலேயே தீவிரமாகச் சரிபார்க்க வேண்டும் என்று அந்த வழிகாட்டுதலில் அமைப்பாளர்கள் அறிவுறுத்தப்பட்டுள்ளனர்.

​மேலும், சிலை வழிபாட்டில் நம்பிக்கை இல்லாதவர்கள் இதுபோன்ற பாரம்பரிய மத வழிபாட்டு சார்ந்த நடன நிகழ்ச்சிகளில் பங்கேற்பதைத் தவிர்க்க வேண்டும் என்றும் விஷ்வ இந்து பரிஷத் அமைப்பு திட்டவட்டமாகக் கூறியுள்ளது. நவராத்திரி விழா நெருங்கி வரும் வேளையில், மகாராஷ்டிராவில் விஎச்பி அமைப்பு வெளியிட்டுள்ள இந்தச் சர்ச்சைக்குரிய வழிகாட்டுதல்களும், ஆதார் அட்டையைச் சரிபார்க்கும் புதிய உத்தரவும் தற்போது சமூக வலைத்தளங்களிலும் அரசியல் வட்டாரங்களிலும் காட்டுத்தீயாகப் பரவி விவாதத்தைக் கிளப்பியுள்ளது.