“ரஜினிக்கு எப்போதும் ஒரு பெருங்கனவு இருக்கு!” என்று சூப்பர் ஸ்டார் ரஜினிகாந்தின் மக்கள் நலப்பணிகள் மற்றும் அவரது எதிர்கால திட்டங்கள் குறித்து லதா ரஜினிகாந்த் வெளிப்படையாகப் பேசியிருப்பது அரசியல் மற்றும் திரையுலக வட்டாரத்தில் பெரும் விவாதத்தைக் கிளப்பியுள்ளது.

சென்னையில் செய்தியாளர்களைச் சந்தித்த அவர், தமிழக மாநிலம் எப்படி இருக்க வேண்டும், இங்குள்ள மக்களுக்கு என்னென்ன நன்மைகள் கிடைக்க வேண்டும் என்பதில் ரஜினிகாந்த் எப்போதும் மிகத் தெளிவான, பெரிய கனவைக் கொண்டிருப்பதாகத் தெரிவித்தார்.

அந்த கனவை நனவாக்கும் வகையில், தங்களது குடும்பத்தினரும் ரஜினிகாந்த் அறக்கட்டளையும் (Rajinikanth Foundation) இணைந்து ஏழை, எளிய மக்களுக்கான கல்வி, மருத்துவம் உள்ளிட்ட பல்வேறு நலத்திட்ட உதவிகளைத் தொடர்ந்து சத்தமில்லாமல் செய்து வருவதாகவும், மக்கள் நலப் பணிகளில் தங்களது ஒட்டுமொத்த குடும்பமும் எப்போதும் உறுதியாக ஒன்றாக இருக்கும் என்றும் லதா ரஜினிகாந்த் நெகிழ்ச்சியோடு குறிப்பிட்டுள்ளார்.