விஜய் தொலைக்காட்சியின் புகழ்பெற்ற விவாத நிகழ்ச்சியான “தமிழா தமிழா”வில் இந்த வாரம், தீராத துயரத்தால் வாழ்க்கையை முடித்துக்கொள்ளத் துணிந்தவர்களுக்கும், அந்த இக்கட்டான சூழலில் இருந்து மீண்டு வந்தவர்களுக்கும் இடையிலான நெகிழ்ச்சியான கலந்துரையாடல் நடைபெற்றது.
இதில் பங்கேற்ற இளம் பெண் ஒருவரின் தாய், தனது மகள் தற்கொலை முடிவை எடுத்த தருணம் குறித்தும், அதன் பின்னணியில் இருந்த வலிகள் குறித்தும் மேடையில் பகிர்ந்துகொண்டது காண்போரின் கண்களைக் குளமாக்கியது. மனச்சோர்வு மற்றும் தற்கொலை எண்ணங்கள் ஒரு தனிநபரை மட்டுமன்றி, அவர்களைச் சார்ந்திருக்கும் குடும்பத்தையே எந்தளவுக்குப் பாதிக்கும் என்பதை அந்தத் தாயின் உருக்கமான வார்த்தைகள் வெளிப்படுத்தின.
View this post on Instagram
“>
இந்த விவாதத்தின் முக்கிய நோக்கமாக, தற்கொலை என்பது எதற்கும் தீர்வாகாது என்பதும், முறையான வழிகாட்டுதல் மற்றும் அன்பான அரவணைப்பு இருந்தால் எப்பேர்ப்பட்ட மன அழுத்தத்திலிருந்தும் மீண்டு வர முடியும் என்பதும் முன்வைக்கப்பட்டது.
மேலும் வாழ்க்கையின் இருண்ட பக்கங்களைச் சந்தித்தவர்கள், இன்று அதே வாழ்க்கையை எவ்வளவு நம்பிக்கையுடன் எதிர்கொள்கிறார்கள் என்பதைப் பார்த்தபோது, அது தற்கொலை எண்ணத்தில் இருப்பவர்களுக்குப் பெரும் உந்துதலாக அமைந்தது. “மீளாத் துயர்” என்பது தற்காலிகமானது என்றும், ஒவ்வொரு மனிதனுக்கும் ஒரு மீண்டெழும் சக்தி உண்டு என்பதையும் உணர்த்தும் வகையில் இந்த நிகழ்ச்சி ஒரு விழிப்புணர்வுப் பெட்டகமாக அமைந்தது.
