திரையுலகில் தனக்கென ஒரு தனித்துவமான இடத்தைப்பிடித்து, இன்றளவும் லட்சக்கணக்கான ரசிகர்களின் கனவுநாயகியாகத் திகழ்பவர் நடிகை ஜோதிகா.

திருமணத்திற்குப் பிறகும் கதையின் நாயகியாகத் தொடர்ந்து அழுத்தமான கதாபாத்திரங்களைத் தேர்ந்தெடுத்து நடித்து வரும் இவர், தனது நடிப்பால் மட்டுமல்லாது உடற்பயிற்சி மற்றும் ஆரோக்கியத்தின் மீதான தீராத ஆர்வத்தாலும் பலருக்கும் மிகப்பெரிய முன்மாதிரியாகத் திகழ்ந்து வருகிறார்.

தனது அன்றாட உடற்பயிற்சி வீடியோக்களை சமூக வலைதளங்களில் பகிர்ந்து ரசிகர்களுக்கு ஊக்கமளித்து வரும் ஜோதிகா, தற்போது வெளியிட்டுள்ள புதிய வீடியோ ஒன்று இணையத்தில் வைரலாகி அனைவரையும் வியப்பில் ஆழ்த்தியுள்ளது. தனது 47 வயதிலும் சற்றும் குறையாத இளமையோடும் சுறுசுறுப்போடும் காணப்படும் ஜோதிகா, முதன்முறையாக மிகக் கடினமான உடற்பயிற்சிகளில் ஒன்றான புல்-அப்ஸ் பயிற்சியை மிக எளிதாகச் செய்து காட்டியுள்ளார்.

பொதுவாக உடலின் மேல் பகுதி வலிமையும், கடுமையான பயிற்சியும் இருந்தால் மட்டுமே சாத்தியப்படக்கூடிய இந்த உடற்பயிற்சியை, ஜோதிகா எவ்விதத் தடுமாற்றமும் இன்றி அசால்ட்டாகச் செய்து முடிப்பது காண்போரைக் கண் இமைக்க மறக்க வைக்கிறது. வயது என்பது வெறும் எண்தான் என்பதை மீண்டும் ஒருமுறை நிரூபிக்கும் வகையில் அமைந்துள்ள இந்த வீடியோ, ரசிகர்களிடையே பெரும் வரவேற்பைப் பெற்று வருகிறது.

இந்த வீடியோவை தனது இன்ஸ்டாகிராம் பக்கத்தில் பகிர்ந்துள்ள ஜோதிகா, “முதன்முறையாகப் புல்-அப்ஸ் செய்திருக்கிறேன்” எனக் குறிப்பிட்டிருப்பதுடன், தனது பயிற்சியாளருக்கும் நெஞ்சார்ந்த நன்றியைத் தெரிவித்துள்ளார்.

இதைப் பார்த்த ரசிகர்கள் மற்றும் திரையுலக பிரபலங்கள் பலரும், ஜோதிகாவின் இந்த அசாத்தியமான முயற்சியையும் அர்ப்பணிப்பையும் பாராட்டி வாழ்த்துகளைக் குவித்து வருகின்றனர். பெண்களின் உடல் ஆரோக்கியம் மற்றும் உடற்பயிற்சியின் முக்கியத்துவத்தை உணர்த்தும் வகையில் அமைந்துள்ள ஜோதிகாவின் இந்த வீடியோ, தற்போது சமூக வலைதளங்களில் தீயாய் பரவி லைக்குகளைக் அள்ளி வருகிறது.