சென்னை சூளைமேடு, தயாளு அம்மாள் தெருவில் வசித்து வரும் சந்தோஷ் என்பவர், கடந்த செவ்வாய்க்கிழமை மாலை தனது 2 வயது மகனை வீட்டில் தூக்கிச் சென்று, மேலே தூக்கிப் போட்டுப் போட்டு விளையாடி வந்தார்.

அப்போது எதிர்பாராதவிதமாக, குழந்தை அவரது மார்பில் கால் வைத்து துள்ளிய நிலையில், இயங்கிக் கொண்டிருந்த சீலிங் ஃபேனில் தலையை அடித்துக் கொண்டது. தலையில் கடுமையான காயம் ஏற்பட்டதால், குழந்தை திடீரென பலமாக அழுவதைக் கண்ட தந்தை, அச்சத்துடன் குழந்தையை அருகிலுள்ள மருத்துவமனைக்குக் கொண்டு சென்றார்.

மருத்துவமனையில் பரிசோதனை செய்த டாக்டர்கள், சீலிங் ஃபேன் தாக்கம் காரணமாக தலையில் வெட்டுக்காயம் ஏற்பட்டுள்ளதாகவும், அதற்கான சிகிச்சை அளிக்கப்பட்டது  என தெரிவித்துள்ளனர். குழந்தையின் உயிருக்கு எந்தவிதமான ஆபத்தும் இல்லையெனவும் தெரிவித்தனர்.

இந்த சம்பவம் சூளைமேடு பகுதியில் பெரும் பரபரப்பை ஏற்படுத்தியதோடு, வீட்டுக்குள் சிறு கவனக்குறைவாலும் பெரிய விபத்து ஏற்படலாம் என்பதற்கான எச்சரிக்கையாய் இருந்து வருகிறது.