நடிகையும், பயண செல்வாக்கு மிக்கவருமான ஷெனாஸ் ட்ரெஷரி, தனது சமீபத்திய பிரேசில் பயணத்தின் போது எடுத்த வீடியோவொன்றை பகிர்ந்ததைத் தொடர்ந்து சமூக வலைதளங்களில் பரபரப்பை ஏற்படுத்தியுள்ளார். அந்த வீடியோவில், தெருக்களில் சாதாரண பிகினி டாப், பை மற்றும் அகலத் தொப்பியுடன்  நடந்து செல்கிறார். நாட்டின் விடுதலையான சூழலை அனுபவிக்கும் விதமாக இருந்த அந்த காட்சிக்கு, அவர் “பிரேசிலில், உடல் என்பது வெறும் உடல். இந்தியப் பெண்களும் தீர்ப்பிலிருந்து விடுபடும் சுதந்திரத்தை ஒருமுறை அனுபவிக்க வேண்டும்” என்று தலைப்பிட்டிருந்தார்.

அத்துடன், “நான் டெல்லியிலோ அல்லது மும்பையிலோ இப்படி நடந்தால், ஓஹோ! தேவையற்ற கவனமும் தீர்ப்பும் மட்டும் கிடைக்கும்” எனக் குறிப்பிட்டு, இந்திய நகரங்களில் பெண்கள் எதிர்கொள்ளும் சமூக அழுத்தத்தை சுட்டிக்காட்டினார். ஷெனாஸ் பதிவில், சில நாடுகளில் பெண்கள் தங்கள் ஆடைத் தேர்வுக்காக விமர்சனம் இல்லாமல் சுதந்திரமாக நடமாட முடியும் என்பதையும், இந்தியாவில் அது இன்னும் சாத்தியமில்லை என்றும் கூறினார். “ஒவ்வொரு இந்தியப் பெண்ணும் அந்த சுதந்திரத்தை அனுபவிக்க வேண்டும்” என்று கூறினார்.

 

அந்த வீடியோவுக்கு  ஒரு பயனர், “நீங்கள் மிகவும் மகிழ்ச்சியாகத் தெரிகிறீர்கள்! இந்தியாவில் மனநிலை மாறும் என்று நம்புகிறேன்” எனக் கூறினார். மற்றொருவர், “தீர்ப்போ அல்லது தாக்குதலுக்கோ பயப்படாமல் அணிய வேண்டியது அணியும் சுதந்திரம் – அதுவே உண்மையான சுதந்திரம்” எனப் பதிவு செய்தார்.

ஆனால். சிலர், ஷெனாஸ் “சுதந்திரம்” என்ற சொல்லின் அர்த்தத்தை அற்பமாக எடுத்துக்கொள்கிறார் என்று விமர்சித்தனர். ஒரு கருத்தில், “‘சுதந்திரம்’ என்ற வார்த்தையை நாம் இவ்வளவு எளிதாகக் கூறிவிட்டோம்!” என்று குறிப்பிடப்பட்டது. இந்த விமர்சனங்களுக்கு பதிலளித்த ஷெனாஸ், “கருத்துப் பகுதியில் பெண்கள் சுதந்திரமாக இருப்பதையே குறை கூறும் ஆண்களே அதிகம். நான் சொல்வது பெண்கள் தங்கள் விருப்பப்படி அணியவும் நடமாடவும் செய்யும் உரிமை பற்றி. பெண்கள் இதைப் புரிந்துகொள்கிறார்கள். மேலும் ஆண்கள் – நான் பெண்களோடு பேசும் இந்த பதிவை தாண்டிச் செல்லலாம்!” எனக் கூறினார்.