அமெரிக்காவுடனான முக்கிய வர்த்தக ஒப்பந்தம் குறித்து இந்தியா கையெழுத்திடப்போவதில்லை என்று மத்திய வர்த்தக அமைச்சர் பியூஷ் கோயல் அறிவித்ததைக் தொடர்ந்து, காங்கிரஸ் தலைவரும், மக்களவையில் எதிர்க்கட்சித் தலைவருமான ராகுல் காந்தி பிரதமர் நரேந்திர மோடியை கடுமையாக விமர்சித்துள்ளார்.

அமெரிக்கா-இந்தியா இடையிலான வர்த்தக ஒப்பந்தம் குறித்து மத்திய அமைச்சர் பியூஷ் கோயல் அண்மையில் செய்தியாளர்களிடம் கூறியதாவது: “இந்தியாவின் தேசிய நலன்கள் முக்கியம். அமெரிக்காவுடனான வர்த்தக ஒப்பந்தம் முழுமையாக இந்தியாவுக்குப் பயனுள்ளதாகவும், இந்திய விவசாயிகள் மற்றும் தொழிலாளர்களுக்கு பாதிப்பு ஏற்படாத வகையில் இருந்தால்தான் கையெழுத்துப் போடுவோம். எந்த வெளிநாட்டு அரசும் நிர்ணயிக்கும் காலக்கெடுவை மையமாகக் கொண்டு இந்தியா முடிவெடுக்காது” என தெரிவித்திருந்தார்.

இந்நிலையில், ராகுல் காந்தி, தனது எக்ஸ் (முன்னதாக ட்விட்டர்) தளத்தில், “பியூஷ் கோயல் எவ்வளவுதான் நெஞ்சை அடித்துக் கொண்டாலும் பரவாயில்லை. ஆனால், நரேந்திர மோடி, டொனால்ட் டிரம்ப் நிர்ணயித்துள்ள ஜூலை 9-ஆம் தேதிக்குள், அதாவது அந்த வரி காலக்கெடுவுக்குள் ஒப்பந்தத்தில் கையெழுத்திட்டு, அடிபணிந்துவிடுவார் என்பது எனக்கு நம்பிக்கை” என பதிவிட்டுள்ளார்.

அமெரிக்கா முன்னாள் அதிபர் டிரம்ப் நிர்ணயித்துள்ள ஜூலை 9 தேதி இந்த ஒப்பந்தத்தின் கடைசி காலக்கெடுவாக இருப்பதால், இந்திய அரசின் நிலைப்பாட்டை வலுவாக சோதிக்கும் சூழ்நிலை உருவாகியுள்ளது. இந்த சூழ்நிலையில், ராகுல் காந்தியின் கருத்து  அரசியல் பரப்பில் விவாதத்திற்குரிய விஷயமாக மாறியுள்ளது.