உத்தரப் பிரதேச மாநிலத்தில் காலியாக உள்ள காவலர் பணியிடங்களுக்கான தேர்வு எழுத லட்சக்கணக்கான இளைஞர்கள் ஒரே நேரத்தில் குவிந்ததால், மாநிலம் முழுவதும் உள்ள ரயில் நிலையங்கள் மற்றும் பேருந்து நிலையங்கள் மக்கள் கடலாகக் காட்சியளிக்கின்றன. தேர்வு மையங்களுக்குச் செல்லவும், தேர்வு எழுதிவிட்டுத் திரும்பவும் மாணவர்கள் ரயில்களில் இடம் பிடிக்கப் போட்டி போட்டுக் கொண்டு முண்டியடித்ததால் கடுமையான நெரிசல் ஏற்பட்டு, ஒட்டுமொத்தப் போக்குவரத்து அமைப்பும் ஸ்தம்பித்தது.
ஆயிரக்கணக்கான கிலோமீட்டர் தூரத்திற்கு மாணவர்கள் அலைக்கழிக்கப்படும் நிலைக்கு முறையான மாற்றுப் போக்குவரத்து ஏற்பாடுகளைச் செய்யாத யோகி ஆதித்யநாத் அரசே காரணம் என எதிர்க்கட்சிகள் மிகக் கடுமையான விமர்சனங்களை முன்வைத்துள்ளன. ரயில் நிலையங்கள் மற்றும் பொது இடங்களில் அசம்பாவிதங்கள் எதுவும் நடக்காமல் இருக்கவும், கட்டுக்கடங்காத இந்த மாபெரும் மாணவர் கூட்டத்தைக் கட்டுப்படுத்தவும் முக்கிய நிலையங்களில் கூடுதல் பாதுகாப்புப் படையினர் அதிரடியாகக் குவிக்கப்பட்டுள்ளனர்.
