வீட்டுப் பாத்ரூம் தரையை ரசாயனங்கள் இன்றி வீட்டிலுள்ள பொருட்களைக் கொண்டே மிக எளிதாகச் சுத்தம் செய்ய முடியும். ஒரு பாத்திரத்தில் சிறிதளவு துணி துவைக்கும் லிக்விட், பேக்கிங் சோடா மற்றும் வினிகர் ஆகியவற்றைத் தண்ணீருடன் கலந்து ஒரு கலவையைத் தயாரித்துக் கொள்ளவும்.
இந்தக் கலவையைத் தரையில் ஊற்றி சில நிமிடங்கள் ஊறவிட்டால், அதிலுள்ள வினிகர் மற்றும் பேக்கிங் சோடா கடினமான கறைகளையும் அழுக்குகளையும் தளரச் செய்யும். பின்னர் ஒரு பிரஷ் கொண்டு தேய்த்துக் கழுவினால், டைல்ஸ் இடுக்குகளில் உள்ள அழுக்குகள் நீங்கி தரை பளிச்சென்று மாறுவதுடன், கிருமிகளும் துர்நாற்றமும் ஒழியும்.நறுமணம் தேவைப்படுபவர்கள் இதில் சிறிதளவு எலுமிச்சை சாறு அல்லது எசென்ஷியல் ஆயில் சேர்த்துக் கொள்ளலாம்.
<a href=”http://
View this post on Instagram
“>
பாத்ரூமை எப்போதும் சுத்தமாக வைத்திருக்க, தினமும் குளித்த பிறகு தரையில் தேங்கியிருக்கும் தண்ணீரைத் துடைப்பம் கொண்டு தள்ளிவிடுவது அவசியம்; இது பூஞ்சை மற்றும் வழுவழுப்பைத் தடுக்கும். வாரத்திற்கு ஒருமுறை இந்த இயற்கைக் கலவையைத் தேய்த்துச் சுத்தம் செய்வதுடன், பாத்ரூமில் நல்ல காற்றோட்டம் இருக்குமாறு பார்த்துக் கொண்டால் எப்போதும்புத்துணர்ச்சியாக இருக்கும்.
விலை உயர்ந்த கெமிக்கல்களைத் தவிர்த்து இத்தகைய எளிய முறையைப் பின்பற்றுவது பணத்தை மிச்சப்படுத்துவதோடு, குடும்பத்தினரின் உடல் ஆரோக்கியத்திற்கும் சுற்றுச்சூழலுக்கும் மிகவும் பாதுகாப்பானது.
