திருமண நிகழ்வுகளில் நடைபெறும் நகைச்சுவை, கேலி, சின்னச் சின்ன சலனங்கள் அனைத்துமே சமூக ஊடகங்களில் பெரும் வரவேற்பைப் பெறும் சூழலில், ஒரு புதிய திருமண வீடியோ தற்போது யூடியூப்பில் வைரலாக பரவி வருகிறது. அதாவது மணமகன் தனது திருமண ஊர்வலத்துடன் மணமகளின் வீட்டிற்குச் செல்லும் தருணத்தில், நம்மில் பலர் அறிந்தவாறே, முதலில் இனிப்புகள் வழங்கப்படுகின்றன. ஆனால் இந்த வீடியோவில், வழக்கமான வரவேற்பு நிகழ்வை விட, கூட்டாகும் கலாட்டா தான் பார்வையாளர்களை பரவசத்தில் ஆழ்த்தியுள்ளது.

வீடியோவில், மணமகனும் அவரது நண்பர்களும் நுழைவாயிலில் ரிப்பன் வெட்டும் காட்சி இடம்பெறுகிறது. அதன் பின்னர், மணமகளின் சகோதரி மற்றும் அவரது தோழி, இனிப்புகள் வழங்கும் நிகழ்ச்சியை நகைச்சுவையாக மாற்ற முயல்கிறார்கள். இனிப்புகளை ஊட்டுவதாகக் கூறி மணமகனை பலமுறை ஏமாற்றுகிறார்கள். இதனை ஒருபக்கம் பார்த்துக்கொண்டிருந்த மணமகனின் நண்பர், இந்த ‘கேலி கலாட்டா’வில் நேரம் கடந்து விடக்கூடாது என தீர்மானித்து, கரண்டியில் இருந்த இனிப்புகளை எடுத்து நேரடியாக மணமகனுக்கு ஊட்டுகிறார்.

இதையே அவர் இரண்டாவது முறையும் செய்கிறார். அதன்பின்னர், தானும் கரண்டியில் இருந்து இனிப்புகளை எடுத்து சாப்பிட்டு, “நண்பனாக இருக்க வேண்டும் என்றால் இப்படித்தான் இருக்க வேண்டும்” என்ற மனநிலையை உறுதி செய்கிறார்.

மேலும் இந்த வீடியோ யூடியூப்பில் பதிவேற்றம் செய்யப்பட்டதிலிருந்து, ஆயிரக்கணக்கான பார்வைகள், நூற்றுக்கணக்கான கருத்துகள் குவிந்து வருகின்றன. ஒரு பயனர், “அந்த நபரின் செறிவு மிக உயர்ந்தது” என குறிப்பிட்டுள்ளார். மற்றொருவர், “இந்த நபர் உண்மையிலேயே ஒரு ஹேக்கர், சகோதரரே!” என்று நகைச்சுவையுடன் கருத்து தெரிவித்துள்ளார். மேலும், “இவர் நண்பனின் வரையறைக்கு உயிர் கொடுத்தவர்” என வியந்து பாராட்டியுள்ளார்.