ஒடிசா மாநிலம் பூரி மாவட்டத்தின் பாலங்கா பகுதியில், 15 வயது சிறுமி ஒருவர் சாலையில் நடந்து தோழி வீட்டுக்குச் சென்று கொண்டிருந்தபோது, அடையாளம் தெரியாத சில இளைஞர்கள் அவர்மேல் தீவைத்துச் கொளுத்திய சம்பவம் மாநிலத்தை உலுக்கியுள்ளது.

தீவைக்கப்பட்ட நிலையில், அந்த சிறுமி முதலில் புவனேஷ்வர் எய்ம்ஸ் மருத்துவமனையில் அனுமதிக்கப்பட்டார். பின்னர் உடல்நிலை மோசமாக இருந்ததால், மேலும் சிறப்பு சிகிச்சைக்காக டெல்லி எய்ம்ஸ் மருத்துவமனைக்கு மாற்றப்பட்டிருந்தார்.

ஆனாலும், சிறுமியின் உயிரை காப்பாற்றுவதற்காக 24 மணி நேரம் சிறப்பு மருத்துவக் குழு தொடர்ந்து போராடியும், சிகிச்சை பலனின்றி அவர் உயிரிழந்தார். இந்த துயரச் செய்தி குறித்து ஒடிசா முதலமைச்சர் மோகன் சரண் தனது எக்ஸ் பக்கத்தில், “இந்த பரிதாபச் செய்தி எனக்கு பேரதிர்ச்சியை ஏற்படுத்தியது.

இந்த ஈடுசெய்ய முடியாத இழப்பை தாங்கும் வலிமையை சிறுமியின் குடும்பத்தினருக்கு கடவுள் வழங்க வேண்டும் எனப் பிரார்த்திக்கிறேன்” என வருத்தம் தெரிவித்துள்ளார். முன்னாள் முதல்வரும் பிஜு ஜனதா தளத் தலைவருமான நவீன் பட்நாயக் கூடுதல் ஆழ்ந்த இரங்கலை தெரிவித்திருக்கிறார்.

இந்நிலையில், இந்த கொடூர சம்பவத்திற்கான நீதி வழங்க வலியுறுத்தி, பிஜு ஜனதா தள கட்சி, சிறுமியின் குடும்பத்துக்கு ரூ.2 கோடி இழப்பீடு வழங்கப்பட வேண்டும் எனவும், குற்றம் சாட்டப்பட்ட மூன்று பேரை 7 நாட்களுக்குள் கைது செய்ய வேண்டும் எனவும் வலியுறுத்தியுள்ளது. இந்த சம்பவம் ஒருவேளை மறக்க முடியாத கொடுமையாக ஒடிசா மக்களின் மனத்தில் பதிய வைத்திருக்கிறது.

கடந்த மாதம், அங்குள்ள ஒரு கல்லூரியில் பேராசிரியரால் பாலியல் தொல்லை செய்யப்பட்டு, நீதிமுறை பாதுகாப்பு இல்லாத காரணத்தால் ஒரு மாணவி தீக்குளித்த சம்பவம் போலவே, இந்தச் சம்பவமும் பெண்களின் பாதுகாப்பை குறித்து மீண்டும் ஒருமுறை பெரும் கேள்விகளை எழுப்பியுள்ளது.