தமிழ் திரையுலகின் முன்னணி நட்சத்திரமான நடிகை த்ரிஷா, சமூக வலைதளங்களில் புதிய மைல்கல் ஒன்றை எட்டியுள்ளார். இன்ஸ்டாகிராம் பக்கத்தில் அவரைப் பின்தொடர்பவர்களின் எண்ணிக்கை தற்போது ஒரு கோடியைத் தாண்டியுள்ளது.
நீண்ட காலங்களாகத் தமிழ்த் திரையுலகில் தனது தனித்துவமான நடிப்பாலும், கவர்ச்சிகரமான கதாபாத்திரங்களாலும் ரசிகர்களின் மனதை வென்று வரும் த்ரிஷா, தற்போது இணையத்திலும் தனது செல்வாக்கை உறுதிப்படுத்தியுள்ளார்.
இன்ஸ்டாகிராமில் ஒரு கோடிக்கும் அதிகமான ‘ஃபாலோயர்களை’ பெற்றுள்ள த்ரிஷாவின் இந்தச் சாதனை, அவரது ரசிகர்களிடையே பெரும் உற்சாகத்தை ஏற்படுத்தியுள்ளது.
தங்களுக்குப் பிடித்தமான நடிகையின் இந்த டிஜிட்டல் வளர்ச்சிக்கு, ரசிகர்கள் சமூக வலைதளங்களில் வாழ்த்துகளைக் குவித்து வருகின்றனர். திரையுலகில் வெற்றிகரமாகப் பயணிக்கும் த்ரிஷா, தற்போது இணைய உலகிலும் அதிக ரசிகர்களைக் கொண்ட நடிகைகளில் ஒருவராகத் தனது இடத்தைத் தக்கவைத்துக் கொண்டுள்ளார்.
