தமிழக சட்டப்பேரவைத் தேர்தல் முடிவடைந்த கையோடு, மே மாதத்தில் பெட்ரோல் மற்றும் டீசல் விலை கணிசமாக உயரக்கூடும் என அரசியல் வட்டாரங்களிலும் பொருளாதார நிபுணர்களிடையேயும் பலத்த விவாதம் எழுந்துள்ளது.

கச்சா எண்ணெய் விலை உயர்வால் எண்ணெய் நிறுவனங்களுக்கு ஏற்பட்டுள்ள நெருக்கடியைச் சரிசெய்ய, லிட்டருக்கு ரூ. 25 முதல் ரூ. 28 வரை விலை உயர்த்தப்பட வாய்ப்புள்ளதாகச் சில அறிக்கைகள் தெரிவிக்கின்றன.

பொதுவாகத் தேர்தல் காலங்களில் பொதுமக்களின் அதிருப்தியைத் தவிர்க்க விலையேற்றம் செய்யாமல் தள்ளிப்போடுவது அரசியல் கட்சிகளின் வழக்கமாக உள்ளது.

உதாரணமாக, 2018 கர்நாடகத் தேர்தல், 2019 நாடாளுமன்றத் தேர்தல் மற்றும் 2021-ல் நடந்த ஐந்து மாநிலத் தேர்தல்களின் போதும் வாக்குப்பதிவு முடியும் வரை விலையில் மாற்றம் செய்யப்படவில்லை.

ஆனால், தேர்தல் முடிந்த சில நாட்களிலேயே விலை கிடுகிடுவென உயர்த்தப்பட்டது. தற்போது 2026 தேர்தலிலும் அதே பாணி பின்பற்றப்படுமா அல்லது விலை உயர்வு தவிர்க்கப்படுமா என்ற அச்சத்தில் பொதுமக்கள் உள்ளனர்.