தமிழக வெற்றிக் கழகத்தின் பொதுக்குழுக் கூட்டம் வருகின்ற மார்ச் 28-ம் தேதி நடத்த திட்டமிடப்பட்டுள்ளது. இதற்கான அறிவிப்பு விரைவில் வெளியாக உள்ளது. மேலும் தமிழக வெற்றிக் கழகத்தின் தலைவர், பொதுச் செயலாளர், பொருளாளர், மாவட்டச் செயலாளர் என உட்கட்டமைப்பு நிர்வாகிகள் நியமனத்திற்கான ஒப்புதலை பெற்று தேர்தல் ஆணையத்திற்கு அனுப்ப திட்டமிட்டுள்ளனர்.

இதனைத் தொடர்ந்து, சமீபத்தில் நடைபெற்ற இரண்டாம் ஆண்டு துவக்க விழாவில் பூத் கமிட்டி மாநாடு நடத்தப்படும் என விஜய் அறிவித்திருந்தார். அந்த அறிவிப்பைத் தொடர்ந்து ஏப்ரல் மாதம் பூத் கமிட்டி மாநாடு நடத்தப்பட உள்ளதாக கூறப்படுகிறது.