தமிழகத்தில் ஆட்சி அதிகாரத்தில் இருக்கும் தமிழக வெற்றிக் கழகம் (தவெக) மற்றும் அதன் ஆட்சியாளர்களைக் கடுமையாக விமர்சித்து அமமுக பொதுச்செயலாளர் டி.டி.வி.தினகரன் செய்தியாளர்கள் மத்தியில் மிகக் காரசாரமாகப் பேசியுள்ளார். மாநிலத்தில் ஒரு மாற்றம் வர வேண்டும் என்பதற்காக அடிப்படை அரசியல் மற்றும் நிர்வாகப் புரிதலே இல்லாதவர்களை மக்கள் தவறுதலாகத் தேர்ந்தெடுத்துவிட்டார்கள் என்று சுட்டிக்காட்டிய அவர், தவெக அரசு தங்களைத் தாங்களே தூயசக்தி என்று மார்தட்டிக் கொள்கிறதே தவிர, உண்மையிலேயே அது ஒரு நாசகாரசக்திதான் என்று ஆவேசமாகக் குற்றம்சாட்டினார்.

​மேலும் தொடர்ந்த அவர், தற்போதைய முதலமைச்சர் முதல் அமைச்சர்கள் வரை அனைவரும் தாங்களாகச் சிந்தித்துச் செயல்படாமல், யாரோ எழுதிக் கொடுக்கும் அறிக்கைகளையும் உரைகளையும் பார்த்துப் படிப்பதற்கே மிகவும் சிரமப்பட்டுத் திணறி வருகிறார்கள் என்று எள்ளி நகையாடினார். ஆட்சியாளர்களின் நிர்வாகத் திறமையின்மையையும், போலித்தனத்தையும் தோலுரித்துக் காட்டும் வகையில் அமமுக பொதுச்செயலாளர் டி.டி.வி.தினகரன் பேசியுள்ள இந்தச் காரசாரமான வீடியோ மற்றும் கருத்துக்கள் தற்போது தமிழக அரசியல் வட்டாரங்களிலும் சமூக வலைத்தளங்களிலும் காட்டுத்தீயாகப் பரவி பெரும் பரபரப்பை ஏற்படுத்தி வருகின்றன.