தமிழகத்தில் ஆட்சி மாற்றம் உறுதி செய்யப்பட்டு, புதிய அரசு அமைய உள்ள பரபரப்பான சூழலில், திமுக தலைவர் மு.க.ஸ்டாலின் மிக முக்கியமான வேண்டுகோள் ஒன்றை விடுத்துள்ளார்.
கடந்த ஐந்தாண்டு கால திமுக ஆட்சியில் தமிழ்நாட்டை அனைத்துத் துறைகளிலும் வளர்த்தெடுத்து, ஒவ்வொரு தனிமனிதனும் பயன்பெறும் வகையில் ஏராளமான மக்கள் நலத்திட்டங்களைக் கொண்டு வந்ததாகப் பெருமிதத்துடன் குறிப்பிட்ட அவர், “தொலைநோக்குச் சிந்தனையோடு உருவாக்கப்பட்ட அந்தத் திட்டங்கள் அனைத்தும் தமிழ்நாட்டைத் தொடர்ந்து வளப்படுத்தும்” எனத் தெரிவித்தார்.
மேலும், அமையவிருக்கின்ற புதிய அரசு, இந்தத் தொலைநோக்குத் திட்டங்களைத் தடையின்றித் தொடர வேண்டும் என்பதே தனது தனிப்பட்ட விருப்பம் என்றும், மக்கள் நலன் சார்ந்த இந்தத் திட்டங்கள் நிறுத்தப்படக் கூடாது என்றும் அவர் உருக்கமாகக் கேட்டுக் கொண்டுள்ளார்.
ஸ்டாலினின் இந்த ‘மென்மையான’ அதேசமயம் ‘வலிமையான’ கோரிக்கை, அமையப்போகும் புதிய அரசுக்கு ஒரு தார்மீக அழுத்தத்தைக் கொடுத்துள்ளதோடு, அரசியல் வட்டாரத்தில் பெரும் விவாதத்தையும் கிளப்பியுள்ளது.
