அகமதாபாத்தில் நடந்த ஏர் இந்தியா விமான விபத்தின் பின்னணியில், விமானங்களுக்கான ஆயுட்காலம் குறித்து சமூக வலைதளங்களில் பல்வேறு கேள்விகள் எழுந்துள்ளன.

சாலையில் ஓடும் டீசல் வாகனங்களுக்கு 10 வருடங்களும், பெட்ரோல் வாகனங்களுக்கு 15 வருடங்களும் உச்ச நீதிமன்றம் மற்றும் தேசிய பசுமை தீர்ப்பாயம் ஆணையம் தடை விதித்துள்ளது. ஆனால் விமானங்களுக்கு இவ்வாறு நேரடியாக விதிக்கப்பட்ட வயது வரம்பு இல்லாதது குறித்து மக்கள் பதிலாக கேள்வி எழுப்பி வருகின்றனர்.

விமானங்களை வடிவமைக்கும் நிறுவனங்கள், குறிப்பிட்ட விமானங்களுக்கான உற்பத்தியாளரின் தரநிலைகளின் அடிப்படையில் அதன் ஆயுட்காலத்தை 30–50 ஆண்டுகள் அல்லது 44,000 பறக்கும் சுற்றங்கள் என நிர்ணயிக்கின்றன. ஆனால் அந்த கால அளவில் அந்த விமானம் பறக்கும் தகுதியுடன் இருக்கிறதா என்பதைத் தீர்மானிப்பது பராமரிப்பு, தொழில்நுட்ப பரிசோதனை மற்றும் பாதுகாப்பு மீதான கட்டுப்பாடுகளின் அடிப்படையில் அமைகிறது.

இந்தியாவில் டிஜிசிஏ, சர்வதேச அமைப்பான ஐ.சிஏ.ஓ மற்றும் எஃப்ஏஏ ஆகிய அமைப்புகள் சி வகை, டி வகை பரிசோதனைகள் வழியாக விமானங்களின் நிலையை மதிப்பீடு செய்கின்றன.

இதன் அடிப்படையில், விமானங்களுக்கான கட்டுப்பாடுகள் வயதை விட பராமரிப்பையும் தொழில்நுட்பத் தரநிலைகளையும் முக்கியமாகக் கருதுகின்றன.

இருப்பினும், பழைய விமானங்களில் தொழில்நுட்ப குறைபாடுகள் ஏற்பட்டால் அது பயணிகளின் உயிருக்கு ஆபத்தாக மாறும் என்பதால், விமானங்களுக்கும் வயது வரம்பு நிர்ணயிக்கப்பட வேண்டும் என்ற வலியுறுத்தல் தற்போது பெருமளவில் எழுந்துள்ளது. குஜராத் விமான விபத்து இந்த விவாதத்தை மேலும் தீவிரமாக்கியுள்ளது.