மேலைநாடுகள் என்றால் அனைத்துமே உலகத் தரம் வாய்ந்ததாகவும் வசதிகள் நிறைந்ததாகவும் இருக்கும் என்ற பொதுவான பிம்பம் நம்மிடையே காலம் காலமாக நிலவி வருகிறது. ஆனால், இத்தாலிக்குச் சுற்றுலா சென்ற இந்திய பயணி ஒருவருக்கு நேர்ந்த கசப்பான அனுபவம், இந்த பிம்பத்தை உடைத்தெறிவதோடு, இந்திய இரயில்வேயின் தற்போதைய நவீன வளர்ச்சியையும் சேவைகளையும் உலக அளவில் பெருமையுடன் திரும்பிப் பார்க்க வைத்துள்ளது.

இத்தாலியின் நேபிள்ஸ் நகரில் உள்ள இரயிலில் பயணித்த அந்த இந்தியர், அங்குள்ள மோசமான உள்கட்டமைப்பையும் வசதியின்மையையும் கண்டு அதிர்ச்சியடைந்து, “பொதுப் போக்குவரத்தில் இத்தாலியை விட நமது இந்தியா எவ்வளவோ சிறந்தது” என்று வெளிப்படையாகத் தனது ஆதங்கத்தைப் பகிர்ந்துள்ளது இணையத்தில் பெரும் விவாதத்தைக் கிளப்பியுள்ளது.

சுட்டெரிக்கும் கோடை வெயிலுக்கு இடையே அந்த இத்தாலி இரயிலில் பயணித்த போது, இரயிலின் ஏசி வேலை செய்யாமல் முற்றிலும் பழுதடைந்து காணப்பட்டுள்ளது. மூச்சு திணற வைக்கும் புழுக்கத்திலும் கடும் வெப்பத்திலும் பயணிகள் அவதியுற்ற போதிலும், அதைச் சரிசெய்யவோ அல்லது மாற்று வசதிகள் செய்து தரவோ அங்கே எந்தவித நடவடிக்கையும் எடுக்கப்படவில்லை.

ஐரோப்பிய நாடு ஒன்றில், அதுவும் சுற்றுலாப் பயணிகள் அதிகம் பயணிக்கும் ஒரு முக்கிய வழித்தட இரயிலில் அடிப்படை ஏசி வசதி கூட இல்லாமல் பயணிகள் அவதிப்படுவதைப் பார்த்து மனமுடைந்த அந்த இந்தியர், இத்தாலிய இரயில்வேயின் இந்த அலட்சியப் போக்கை கடுமையாகச் சாடியுள்ளார்.

இந்த கசப்பான அனுபவத்தை அப்படியே நமது இந்திய இரயில்வேயின் தற்போதைய சூழலோடு ஒப்பீட்டுப் பேசியுள்ள அவர், இந்தியாவில் வந்தே பாரத் போன்ற அதிநவீன இரயில்களின் வருகைக்குப் பிறகு பயண அனுபவம் முற்றிலும் புதிய உயரத்தை எட்டியுள்ளதைச் சுட்டிக்காட்டியுள்ளார்.

இந்தியாவில் மிகக் குறைந்த கட்டணத்தில் ஏசி வசதியுடன் கூடிய பாதுகாப்பான மற்றும் சுகமான பயணம் சாத்தியமாகிறது என்றும், மேலை நாடுகளின் உட்கட்டமைப்பை விட நமது நாட்டின் இரயில்வே சேவை எவ்வளவோ மேலானது என்றும் அவர் பெருமிதத்துடன் தெரிவித்துள்ளார்.

இந்நிலையில் வெளிநாடுகளுக்குச் சென்று அவதிப்படுவதை விட, நமது இந்தியாவில் இருக்கும் வசதிகளையும் முன்னேற்றத்தையும் நாம் உணர்ந்து போற்ற வேண்டும் என்பதை இந்தச் சம்பவம் நமக்குத் தெளிவாக உணர்த்துகிறது.

“>