அமெரிக்காவை சேர்ந்த ஹெய்லி பிளாக் என்ற 36 வயது பெண்மணி, காலையில் வழக்கம்போல எழுந்து நீட்டி மூச்சுவிடும்போது (கொட்டாவி ) ஏற்பட்ட அதிர்ச்சிகரமான அனுபவத்தைப் பகிர்ந்துள்ளார்.

அவர் கொட்டாவி விடும்போது , உடலில் மின்சாரம் தாக்கியதுபோல உணர்ந்தார், கைகள் தொய்ந்து, உடல் செயலிழந்தது. உடனே அவர் கணவர் இயானிடம் ஆம்புலன்ஸ் அழைக்கச் சொன்னார், ஆனால் அவர் “ஒன்றும் இல்லை” என்று முதலில் நினைத்தார். ஆனால், ஹெய்லிக்கு ஏதோ பயங்கரமான பிரச்சினை இருப்பதாக உணர்ந்து ஆம்புலன்ஸ் அழைக்கப்பட்டது.

மருத்துவமனையில், முதலில் மருத்துவர்களால் பிரச்சினை கண்டறியப்படவில்லை. ஆனால், மேம்பட்ட பரிசோதனைகளில் ஹெய்லியின் கழுத்தில் இரண்டு முதுகெலும்புகள் நீட்டி மூச்சுவிடுவதால் முதுகுத்தண்டு நரம்பை அழுத்தியது தெரியவந்தது. இதனால் அவரது முதுகுத்தண்டு பாதிக்கப்பட்டு, வலது பக்கம் முழுவதும் செயலிழந்தது. மருத்துவர்கள் 50% மட்டுமே உயிர் பிழைக்க வாய்ப்பு இருப்பதாகக் கூறினர். ஆனால், அறுவை சிகிச்சை வெற்றிகரமாக முடிந்து, ஹெய்லி மீண்டு வந்தார், ஆனால் முழுமையாக குணமடைய நேரம் பிடிக்கும் என்று மருத்துவர்கள் தெரிவித்தனர்.

இந்த சம்பவம் ஹெய்லியை உடல் மற்றும் மன ரீதியாகப் பாதித்தது. பின்னர் அவருக்கு ஃபைப்ரோமயால்ஜியா என்ற நோய் ஏற்பட்டு, நீங்காத வலியையும் சோர்வையும் ஏற்படுத்தியது.

இப்போது அவர் கொட்டாவி விடுவதற்கு  பயப்படுகிறார். “வலுவாக கொட்டாவி விடுவது  கழுத்து முறிவை ஏற்படுத்தும் என்று நினைத்துக்கூடப் பார்க்கவில்லை” என்று ஆச்சரியத்துடன் கூறுகிறார். எனவே, வலுவாக கொட்டாவி விடுபவர்கள் எச்சரிக்கையாக இருக்க வேண்டும் என்று அவர் அறிவுறுத்துகிறார்.