தமிழ்நாடு எல்லைப் பகுதியில் அதிர்ச்சியூட்டும் சம்பவம் ஒன்று தற்போது சமூக வலைதளங்களில் பரபரப்பை ஏற்படுத்தியுள்ளது. “ஆந்திரா போக்குவரத்து போலீஸ்” என்ற எழுதப்பட்டிருந்த போலேரோ வாகனம், ஒரே வழிச்சாலையில் எதிரே வரும் வாகனங்களை பொருட்படுத்தாமல் தவறான திசையில் சென்றது.
அந்த நேரத்தில், தமிழ்நாடு அரசு பேருந்து (TNSTC) வழிமுறைப்படி நுழைந்தபோது, இந்த போலேரோ வாகனம் நேருக்கு நேர் மோதியது. பேருந்து ஓட்டுனர் கடைசி தருணத்தில் தான் பிரேக் அடிக்க முயன்றும், விபத்து தவிர்க்க முடியவில்லை.
View this post on Instagram
இதில் இரு வாகனங்களும் லேசாக சேதமடைந்தன. இது குறித்து பலர், “பேருந்து ஓட்டுனர் திட்டமிட்டு தாமதமாகவே பிரேக் அடித்தார்” எனக் கருத்து தெரிவிக்கின்றனர். காரணம், தவறாக வந்த வாகனத்திற்கு ஒரு பாடம் கற்பிக்க வேண்டும் என்பதற்காக அப்படி செய்தாரா என கேள்வி எழுப்பியுள்ளனர்.
இந்த வீடியோ இன்ஸ்டாகிராமில் வேகமாக பரவி, நெட்டிசன்கள் கடும் கண்டனம் தெரிவித்துள்ளனர். “சட்டம் அமல்படுத்தவேண்டியவர்களே சட்டம் மீறினால், என்ன நிலைமை?” என்கிற கேள்வி தற்போது சமூகத்தில் எழுந்துள்ளது. சம்பந்தப்பட்ட அதிகாரிகளிடம் இதுபோன்ற முறைகேடுகளுக்காக கடும் நடவடிக்கை எடுக்க வேண்டும் என்ற கோரிக்கையும் எழுந்துள்ளது.
