பஹல்காம் பயங்கரவாத தாக்குதல் மற்றும் அதற்குப் பிறகு மே 7ஆம் தேதி மேற்கொள்ளப்பட்ட இந்தியாவின் “ஆபரேஷன் சிந்தூர்” பதிலடிக்குப் பின்னர், பாகிஸ்தானில் பதிவான பழைய வீடியோ ஒன்று மீண்டும் சமூக ஊடகங்களில் வைரலாகியுள்ளது. இந்த வீடியோவில், பிரபல நியூசிலாந்து யூடியூபரும் தற்போது டெல்லியில் வசிக்கிறவருமான கார்ல் ராக் பாகிஸ்தானில் ஒரு தேநீர் கடையில் இருக்கிறார். அப்போது, அந்த கடைக்காரர் இந்திய விமானி அபிநந்தனின் பிரபலமான “தேநீர் அருமையாக இருந்தது” என்ற மேற்கோளை பயன்படுத்தி இந்தியாவை மறைமுகமாக கேலி செய்ய முயற்சிக்கிறார். ஆனால் கார்ல், “நான் இந்தியாவை கேலி செய்யப்போவதில்லை… இந்திய தேநீர் சிறந்தது” என பதிலளித்து, அவரை அடக்கி வைத்தார்.

இந்த வீடியோவில், பாகிஸ்தானியர் தொடர்ந்து கையெழுத்து பெற முயற்சிக்க, கார்ல் “ஓய் சுப்!” என கடுமையாக அவரைத் கண்டிக்கிறார். பிறகு, கடையை விட்டு வெளியேறும் முன் “ஜெய் ஹிந்த்” என உரக்க கூறுவதோடு, பாகிஸ்தான் கடைக்காரரை பேச முடியாமல் செய்தார். “அவரது முகத்தை பாருங்கள்… எனக்கு கவலையில்லை” என கார்ல் தன்னம்பிக்கையுடன் கூறியதும் காணொளியின் முக்கியக் காட்சியாக அமைந்தது. இந்த வீடியோ X  இல் ‘@rose_k01’ என்ற பக்கத்தில் பகிரப்பட்டுள்ளது. “இந்தியாவை கேலி செய்ய முயன்ற பாகிஸ்தானியர் தோல்வியடைந்தார்” என்ற தலைப்புடன் வெளியான இந்த வீடியோ 4.4 லட்சம் பார்வைகள் பெற்றுள்ளது.

Pakistani Guy tried to get the Foreigner to Troll India with A Cup of Tea BUT FAILED * Wait For End* 😂 pic.twitter.com/z3U1y5LUgv

— Rosy (@rose_k01) May 13, 2025

இந்த வீடியோக்கு சமூக வலைதளங்களில் பாராட்டும், நக்கலும் கலந்த பல்வேறு கருத்துகள் வருகின்றன. “வெளிநாட்டவரை பொய் சொல்ல வைக்க முயற்சிப்பது மிகவும் மலிவான செயல்” என்று ஒருவர் கூற, “இந்தியாவுக்காக ஜெய் ஹிந்த் சொன்ன கார்லுக்கு நன்றி” என பலர் பாராட்டுகிறார்கள். “அவர் ஒரு நியூசிலாந்து நபர் என்றாலும், இந்திய பெண்ணை திருமணம் செய்து இந்தியா குறித்து அன்பும் மரியாதையும் செலுத்துகிறார்” எனவும், “பாகிஸ்தானின் நோக்கம் எப்போதும் இந்தியா குறித்து தொலைவிலிருந்தே கலகம் எழுப்புவதுதான்” எனவும் கருத்துகள் வெளியாகின்றன. இந்த வீடியோ, இந்தியா மீது நம்பிக்கை கொண்ட வெளிநாட்டவரின் நிலைப்பாட்டை வெளிக்கொணர்வதோடு, பாகிஸ்தானின் கேலி முயற்சிகள் எவ்வாறு தோல்வியடைந்தன என்பதையும் எடுத்துச் சொல்கிறது.