ஐபிஎல் 2026 தொடருக்கான சென்னை சூப்பர் கிங்ஸ் அணியின் போட்டிகள் குறித்த வதந்திகளுக்கு அந்த அணியின் சிஇஓ காசி விஸ்வநாதன் முற்றுப்புள்ளி வைத்துள்ளார். எதிர்வரும் தமிழக சட்டமன்றத் தேர்தல் காரணமாக, சென்னையில் நடைபெற வேண்டிய சிஎஸ்கே போட்டிகள் எம்.எஸ்.தோனியின் சொந்த ஊரான ராஞ்சிக்கு மாற்றப்பட வாய்ப்புள்ளதாக சமூக வலைதளங்களில் தகவல்கள் பரவின.

இதனால் சென்னை ரசிகர்கள் பெரும் கவலையடைந்த நிலையில், இது குறித்து விளக்கம் அளித்த காசி விஸ்வநாதன், போட்டிகளை இடமாற்றம் செய்வது குறித்து ஐபிஎல் நிர்வாகத்திடமிருந்து எந்தவித அதிகாரப்பூர்வ அறிவிப்பும் அல்லது வழிகாட்டுதலும் வரவில்லை என்று தெளிவுபடுத்தியுள்ளார். சிஎஸ்கே அணி தனது சொந்த மண்ணான சேப்பாக்கத்திலேயே விளையாட விரும்புவதாகவும், பிசிசிஐ-யின் இறுதி அட்டவணைக்காக காத்திருப்பதாகவும் அவர் தெரிவித்தார்.