பெண் ஒருவர் காரை நிறுத்திவிட்டு இறங்கும்போது, எதிர்பாராத விதமாக ஹேண்ட் பிரேக் போட மறந்ததால் கார் தானாகவே நகரத் தொடங்கியது. கார் கட்டுப்பாட்டை இழந்து விபத்தை ஏற்படுத்தக்கூடிய சூழல் உருவாக, அந்த இடத்திலிருந்த கடைக்காரர் மின்னல் வேகத்தில் செயல்பட்டு காரைத் தடுத்து நிறுத்தினார். இந்த ஒரு வினாடி செயல் அந்தப் பெண்ணின் உயிரையும், பெரும் விபத்தையும் தடுத்து நிறுத்தியது.

​இந்த அதிர்ச்சிகரமான காட்சிகள் அடங்கிய வீடியோ தற்போது எக்ஸ் (X) வலைதளத்தில் காட்டுத்தீயாகப் பரவி வருகிறது. ஆபத்தான சூழலிலும் துணிச்சலோடு செயல்பட்ட அந்த கடைக்காரரின் ‘சீட்டா போன்ற வேகத்தை’ பாராட்டி, நெட்டிசன்கள் அவரை சமூக வலைதளங்களில் கொண்டாடி வருகின்றனர். ஒரு சிறிய தவறு எவ்வளவு பெரிய விபத்துக்கு வழிவகுக்கும் என்பதற்கு இது ஒரு பாடம், அதே சமயம் அந்த கடைக்காரரின் ஹீரோயிசம் பலரையும் நெகிழ வைத்துள்ளது.