நாளை செப்டம்பர் 1-ஆம் தேதி முதல் எல்பிஜி சிலிண்டர் விதிகளில் பல முக்கிய மாற்றங்கள் அமலுக்கு வரவுள்ளன. அரசாங்கம் செயல்படுத்தும் இந்த புதிய நடைமுறைகள் பொதுமக்களின் பணப்பையில் நேரடித் தாக்கத்தை ஏற்படுத்தும் வகையில் அமைந்துள்ளன.

உலகளாவிய சந்தை நிலவரங்கள், கச்சா எண்ணெய் விலைகள் மற்றும் எரிவாயு மீதான ஜிஎஸ்டி காரணிகளால், வரவிருக்கும் நாட்களில் எல்பிஜி சிலிண்டர்களின் விலையில் மாற்றங்கள் ஏற்பட வாய்ப்புள்ளது.

எல்பிஜி இணைப்பிற்கான இ-கேஒய்சி (e-KYC) சரிபார்ப்பை முடிப்பதற்கான காலக்கெடு ஆகஸ்ட் 31-டன் நிறைவடைகிறது. இருப்பினும், லட்சக்கணக்கான வாடிக்கையாளர்கள் இன்னும் தங்களது இ-கேஒய்சி செயல்முறையை முழுமையாக முடிக்கவில்லை என்று அறிக்கைகள் தெரிவிக்கின்றன.

இன்றைக்குள் இ-கேஒய்சி-ஐ முடிக்கத் தவறினால், எண்ணெய் அமைச்சகத்தின் விதிமுறைகளின்படி எல்பிஜி சிலிண்டர் இணைப்பு தற்காலிகமாக இடைநிறுத்தப்படும் அபாயம் உள்ளது.

மேலும், இ-கேஒய்சி செய்யாத வாடிக்கையாளர்கள் மானிய விலையில் சிலிண்டர் பெற முடியாது. அவர்கள் தங்கள் வீட்டு உபயோகத்திற்கான எல்பிஜி சிலிண்டர்களை அதிக விலை கொண்ட வர்த்தக விலையிலேயே வாங்க வேண்டிய நிலை ஏற்படும்.