தமிழ்நாடு மின்சார வாரியத்தின் தலைமை அலுவலகத்தில், வடகிழக்கு பருவமழைக்கு முன்னெச்சரிக்கை நடவடிக்கைகள் குறித்து மின்சாரம், மதுவிலக்கு மற்றும் ஆயத்தீர்வைத்துறை அமைச்சர் செந்தில் பாலாஜி தலைமையில் ஆய்வு கூட்டம் நடைபெற்றது. இதில், சென்னை மற்றும் காஞ்சிபுரம் மின் பகிர்மான மண்டலங்களில் மேற்கொள்ளப்பட்ட பாதுகாப்பு நடவடிக்கைகள் குறித்து விவாதிக்கப்பட்டது.

மழைக் காலங்களில் மின்சார சேவைகள் சீராகச் செயல்பட வேண்டும் என்பதற்காக 5,983 மின் கம்பங்கள் மாற்றப்பட்டு, பலவீனமான இன்சுலேட்டர்கள் மற்றும் மின் தாங்கு கம்பிகள் புதுப்பிக்கப்பட்டுள்ளன. மேலும், மின்தடங்கலின் போது முதற்கட்டமாக மருத்துவமனைகள் மற்றும் முக்கிய சேவைகளுக்கு முன்னுரிமை அளிக்கப்படும்.

சென்னை மற்றும் காஞ்சிபுரம் மின்மண்டலங்களில் பில்லர் பாக்ஸ்கள் தரைக்கு ஒரு மீட்டர் உயரத்தில் அமைக்கப்பட வேண்டும் என்பதற்காக அடையாளம் காணப்பட்ட பகுதிகளில் மின்னறைகள் பாதுகாப்பாக நிறுவும் பணிகள் மேற்கொள்ளப்படும். மழையுடன் கூடிய காற்று வீசும் நேரங்களில் கீழே உள்ள மின்கம்பிகள் விழுவதைத் தடுக்க நடவடிக்கைகள் எடுக்கப்படும். முக்கியமாக, மின்சார பணிகள் தொடர்ச்சியாக நடைபெற வேண்டும் என்பதற்காக அனைத்து செயல்படும் இடங்களில் பாதுகாப்பு உபகரணங்கள் தயாராக இருக்க வேண்டும்.

இந்த அவசர சூழ்நிலையில் அதிகாரிகள், செல்போன்களை ஆப் செய்து வைக்கக்கூடாது,  அப்படி செய்தால் கடுமையான நடவடிக்கை எடுக்கப்படும் என்று எச்சரிக்கை விடுத்துள்ளார்.  தொய்வின்றி தகவல்களை பரிமாறிக் கொள்ள வேண்டும் என்றும், மழைக்காலங்களில் வாக்கி டாக்கி போன்ற வாகனங்களை உடனடியாக வாங்கி பயன்பாட்டுக்கு கொண்டு வர வேண்டும் என்றும் அமைச்சர் செந்தில் பாலாஜி உத்தரவிட்டார்.